Biografiya
Jennaro Gattuzo baliq ovlovchilar shaharchasida katta bo'lgan, lekin bu narsa u futbol olamida chempion bo'lishi va butun dunyoga tanilishiga to'sqinlik qilmadi.
Bolaligi va yoshligi
Jennaro Ivan (Rino) Gattuzo 1978 yilning 9 yanvarida Italiyaning Korilyano-Kalabro shahrida dunyoga keldi. Gattuzo duradgorlar oilasida ulg'aydi va bolaligidan qiyinchilik bilan pul topish nima ekanini tushunib ulgurgandi. U tug'ilgan shaharchada faoliyatini boshlashi va rivojlantirishi uchun imkoniyatlar etarli emasdi. SHuning uchun, 12 yoshida u erdan ketishga qaror qildi.
Jennaroning otasi havaskor jamoalardan birida futbol o'ynagan. Aynan u o'g'li futbolga qiziqishi va unga muhabbat qo'yishiga sababchi bo'lgan. Rinoning ilk formasini ham otasi sovg'a qilgandi. Ota-onasi tomonidan qo'llab-quvvatlangan yosh bolakay Peruja maktabi ko'rigidan o'tish uchun yo'l oladi.
SHaxsiy hayoti
Rino "Reyndjers"da to'p tepib yurgan kezlari bo'lajak ayolini uchratadi — Monika Romano (jurnalist Karla Romanoning singlisi). Juftlikning ikki farzandi bor — o'g'il Franchesko va qiz Gabriella.
Gattuzo bo'sh vaqtlarida shaxsiy baliqchilik magazinini yanada rivojlantirish bilan shug'ullanadi. Uning do'koni 2010 yil Korilyano-Kalabroda ochilgan.
Futbol
Gattuzo yoshligida o'zini iqtidorli futbolchi sifatida ko'rsata olgan. Jamoaga aytarli yordam berolmagan bo'lsa ham, "Reyndjers" vakillari etiboriga tushib ulgurgandi. Klub xodimlari unga asosiy tarkib o'yinchisi maqomini berishga tayyor, muxlislar esa klubning yangi futbolchisidan hayratda edilar. U kelgan kun tribunadagilar "Rino" deb qichqirib, uni iliq kutib olishdi. Ammo jamoa murabbiyi almashganidan so'ng, Jennaro "Salernitana" tomon yo'l oldi.
Gattuzo 1998/1999 yilgi mavsumda A Seriyaga ko'chib o'tdi, lekin yana muvaffaqiyat qozonolmadi. Ko'p o'tmay jamoa V Seriyaga tushib ketdi, biroq bu futbolchi faoliyatiga soya solmadi. Unga "Roma" va "Milan" klublari shartnoma imzolashni taklif qildi. Gattuzo Milanga ketishni afzal ko'rdi. Yosh futbolchi yangi jamoada tayanch yarim himoyachi poziciyasida harakatlandi. Rino UEFA CHempionlar Ligasi doirasidagi "CHelsi"ga qarshi uchrashuvda debyut qildi. Jennaro etakchilik roliga osonlik bilan etishgani yo'q. Qolaversa, "Milan"dagi ilk mavsumning 22 o'yinida atigi 1ta gol urdi. Tajovuzkor va keskin o'yinlari tufayli hakamlardan ko'p bora sariq kartochkalar olgandi.
Rino 2003 yil CHempionlar Ligasida "Milan"ga g'alaba olib keldi, keyin esa Italiya chempionatida bosh sovrinni qo'lga kiritishda yordam berdi. Bunga jamoadoshi Andrea Pirlo bilan ajoyib hamkorligi ko'mak bo'ldi. Ushbu voqeadan biroz vaqt avval Gattuzo Italiya termasiga chaqirildi. U mamlakat jamoasi bilan Jahon va Evropa chempionatlarida ishtirok etdi. Lekin yuqori natijalarga erisholmagan futbolchi 2010 yil milliy termadan ketayotganini malum qildi. Keyinchalik, raqiblari haqida gapirarkan, Rino Zinedin Zidanni buyuk o'yinchi deya etirof etdi.
Oradan ikki yil o'tib, Jennaro "Milan"dan ketdi, ammo futbolchilik faoliyatini tugatgani yo'q. U SHveycariyaning "Son" klubiga o'tdi va bir qancha vaqt mobaynida o'yinchi-murabbiy sifatida ishladi, lekin quyi ko'rsatkichlar tufayli lavozimidan ozod etildi. Keyin esa "Palermo"ni boshqardi, jamoa V Seriyaga tushib ketganidan so'ng, u istefoga chiqarildi. Futbolchi taslim bo'lmadi va "Ofi" nazoratini o'z qo'liga oldi. Afsuski, bu safar klub tang ahvolda bo'lgani tufayli jamoadan o'zi ketishga qaror qildi. Navbatdagi ish joyi "Piza" bo'ldi, lekin klub S Seriya tomon yo'l oldi va Gattuzo yana kursisini bo'shatib qo'yishiga to'g'ri keldi. Ko'p o'tmay, "Milan" yoshlar jamoasiga ruliga o'tirdi. Jennaro 2019 yil Milan klubi bosh murabbiyligidan ketdi.
Jennaro Gattuzo hozir
Sportchi 2019 yil qishdan buyon "Napoli" jamoasiga bosh murabbiylik qilmoqda. SHuningdek, u o'z formasini yo'qotmaslik uchun tinimsiz harakat qilmoqda (bo'yi - 177 sm, og'irligi - 77 kg).
Erishgan yutuqlari
Italiya termasi safida
2000 — 21 yoshgacha bo'lgan jamoalar o'rtasida Evropa chempioni
2006 — Jahon chempioni
"Milan" safida
2003/04 — Italiya chempioni (2): 2003/04, 2010/11
2003 — Italiya Kubogi sohibi
2003 — UEFA CHempionlar Ligasi g'olibi
2003 — UEFA Superkubogi sohibi
2004 — Italiya Superkubogi sohibi
2007 — UEFA Superkubogi sohibi
2007 — Klublar o'rtasidagi Jahon chempionati g'olibi
2011 — Italiya Superkubogi sohibi
SHaxsiy
2006 — Jahon chempionati ramziy terma jamoasining azosi
Nozima Zaripova tarjimasi
Bosh sahifaga
350