«Koronavirusga qarshi kurashishdagi o'ziga xos “jang maydoni”da tibbiyot xodimlari birinchi zarbani qabul qilmoqdalar.
Oddiy haqiqatni tan olish adolatdan bo'ladi. Kasallarga o'z vaqtida yordam berilsa, ular shifo topadi, kasalxonalarni tark etadi. Lekin, oxirgi kasal tuzalmaguncha tibbiyot xodimlari ish joyini tark etolmaydi.
SHu sababli, fuqarolarning hayoti va sog'lig'ini muhofaza qilishga qo'shayotgan ulkan hissalarini va fidokorona xizmatlarini etirof etgan holda, koronavirus infekciyasi tarqalishiga qarshi kurashish ishlariga jalb etilgan tibbiyot, sanitar-epidemiologik va boshqa xodimlarni qo'shimcha ijtimoiy hamda moddiy qo'llab-quvvatlash maqsadida alohida qarorni imzoladim
Bir narsani aniq tushunib olish lozim. Bizda aniqlangan kasallar soni kam-ku, 100 taga ham etmaydi, xavotirga o'rin yo'q, deb xotirjam bo'lish xiyonat hisoblanadi.
CHunki, koronavirus menga yuqmaydi deb befarq yurganlar nafaqat o'zining, balki ota-onasi, farzandlari, atrofidagilar, qolaversa, butun xalqimizning sog'lig'i va hayotini katta xavfga qo'yishini chuqur anglab etishi kerak.
Davlat tomonidan ko'rilayotgan choralar odamlarimizning kasallikni yuqtirib olish ehtimolini imkon qadar chegaralash, virusli infekciyaning tarqalishini jilovlashga qaratilgan.
Tibbiyot qanchalik rivojlangan bo'lmasin, davlat bunga qancha-qancha mablag' ajratmasin, odamlarimiz shifokorlar tavsiyasiga amal qilmasa, tartib-intizomli bo'lib, karantin qoidalariga rioya etmasa, barcha ko'rilayotgan choralarimiz, pandemiyaga qarshi kurashish uchun safarbar qilingan yuz minglab fidoyi insonlarning mehnati behuda ketishi mumkin. Ishonchim komil, oilasi, farzandlari, el-yurti tinchligi, sog'lig'ini hamma narsadan ustun qo'yadigan donishmand xalqimiz bunday holatga tushib qolishni hech qachon istamaydi.
Koronavirus pandemiyasi butun insoniyat uchun Yaratganning bergan bir sinovidir. Xalqimiz jipslashib, shifokorlarning barcha tavsiyasi, ko'rsatmalariga amal qilsalar, odamlarimiz karantin davrida hayotiy zaruratsiz o'z xonadonlarini tark etmasa, kasallikning ilk belgilari aniqlanganda, uni yashirmay shifokorlarga o'z vaqtida murojaat qilsalar, biz bu kasallikni, albatta, engamiz!», — SHavkat Mirziyoev.
#uydaqoling
#vahimasizkarantin
Koronavirus Info. Nima uchun tibbiyot muassasalarida telefon vositalari olib qo'yilmoqda?
Bosh sahifaga
245