JARda o'tgan mundialda Angliya termasi musobaqaning 1/8 finalida Germaniyaga 1:4 hisobida imkoniyatni boy berib, musobaqa bilan xayrlashgandi.
“Tarkibda muammolar ko'p edi. Runi 100 foiz tayyor emasdi, Ferdinand va Bekxemni jarohat bezovta qilayotgandi. Eng muhimi etakchi futbolchilar safdan chiqishgan va biz JARdagi musobaqada ishonchsiz o'yin ko'rsatdik. O'sha paytdagi Angliya termasida yoshi ulug' futbolchilar ko'p edi, yosh futbolchilar deyarli yo'q edi. Bu ham o'yinimizga o'z tasirini o'tkazgan. Ayni paytda terma jamoada yosh va tirishqoq futbolchilar bor va ular ajoyib tezlikka ega, sifatli o'yin namoyish etishmoqda.
Kimlardir meni ingliz tilini tushunmaslikda ayblashi mumkin, ammo futbol uchun 20 ta so'zni bilish kifoya. Angliya termasida bu borada menda muammo bo'lmagan, ammo Rossiya va Xitoy termasini boshqarganimda futbolchilar bilan muloqotda bu borada qiyinchiliklar kuzatilgan”, deya Kapelloning so'zlaridan iqtibos keltirmoqda Guardian.
Fabio Kapello 2012-2015 yillarda Rossiya terma jamoasini boshqargan.
Bosh sahifaga
156