Bu haqda “Atletiko” klubi rasmiy sayti xabar bermoqda. Serbiyalik mutaxassisning o'limi sababi xabar qilinmagan.
“Atletiko” oilasi afsonaviy murabbiy Radomir Antichning vafoti munosabati bilan uning yaqinlari va oilasiga hamdard ekanligini bildiradi. Uning xotirasi bir umr qalbimizda qoladi”, deyilmoqda “Atletiko” matbuot xizmati tarqatgan bayonotda.
Antich futbol tarixida turli yillarda “Real”, “Atletiko” va “Barselona”ni boshqargan yagona murabbiy hisoblanadi. Serbiyalik mutaxassis qo'li ostida 1995/96 yilgi mavsumda “Atletiko” mamlakat chempionligiga erishgan. 1996 yilda esa jamoa mamlakat kubogida g'olib chiqqan.
Futbolchilik faoliyati davomida Antich “Partizan”, “Fenerbaxche” va “Saragosa” jamoalari sharafini himoya qilgan.
Bosh sahifaga
141