- Hammaga Assalomu Alaykum deb qolaman. Hammamizning boshimizga tushgan shu kunlar tezroq ortda qolsin va yana quvonchli kunlarga qaytaylik deb har kuni niyatdamiz.
- Karantin paytida uyda qolayotgan bo'lsak-da, Telegram guruhlar orqali barcha terma jamoalar murabbiylari bilan muloqot qilib turibmiz. Har bir yosh bo'yicha Telgeram guruhlarimiz bor va mutaxassislar bilan o'zaro fikr almashib turamiz. Futbolchilar har kuni mashg'ulotlarni video tarzida yuborishyapti, biz esa bu borada o'z maslahatlarimizni beryapmiz.
- Futbolchilarning uydagi mashg'ulotlarini Mirko Yelichich (O'zbekiston MTJ jismoniy tayyorgarlik bo'yicha murabbiyi) va boshqa yosh toifasidagi futbolchilarning mashqlarini boshqa murabbiylar kuzatib borishmoqda. Yana bir malumot, hozir har bir terma jamoada psixolog va dietolog ish boshlagan. Bu o'rinda futbolchilarning to'g'ri ovqatlanishiga ham katta etibor beryapmiz. CHunki uyda o'tirgandan keyin baribir harakat kam bo'ladi.
- Karantin davri ortda qolib yana futbol o'yinlari davom ettiriladigan bo'lsa, bunga hammamiz tayyor bo'lishimiz kerak. SHu bois futbolchilar uchun uydagi mashqlar va ularni nazorat qilish muhim ahamiyat kasb etadi, - deydi Azizbek Haydarov.
Bosh sahifaga
435