Bundan tashqari, "Zenit" Azmun borasida taklif olsa, eronlik hujumchini sotishdan bosh tortadi, sababi klub rahbariyati hujumchi bilan xayrlashishni rejalashtirmayapti.
Faqatgina kamida 50 million evrolik taklif "Zenit" rahbariyatini Azmunni sotishga undashi mumkin. Aynan shuncha pulga "Zenit" xavbek Leandro Paredesni PSJga sotgan.
Azmunning qolishiga yana bir sabab uning "Gazprom" rahbari Aleksey Miller bilan yaxshi munosabatlaridir. Ular otlarga va otlar poygasiga ishqibozlik kabi umumiy qiziqishlarga egalar.
Azmun joriy mavsum "Zenit" libosida RPLda 21ta o'yinda maydonga tushib, 10ta gol va 6ta assist qayd etdi. Transfermarkt eronlik o'yinchini 18 million evroga baholagan.
Ayni vaqtda Rossiya chempionati koronavirus pandemiyasi sababli to'xtatilgan. "Zenit" o'z taqibchilari bo'lmish "Lokomotiv" va "Krasnodar"dan 9 ochko ilgarilab ketgan holda jadvalda etakchilik qilmoqda.
Manba: metaratings.ru
Bosh sahifaga
223