- Xo'sh, Eldor, futbolsiz qiyinmi?
- Bo'lmasamchi! Umuman boshqa kayfiyat. Hatto bunday bo'lishini hayolimga ham keltirmagandim.
- Siz "Rostov"damisiz?
- Ha, rafiqam bilan birga.
"Umid qilamanki, tez orada barchasi tugaydi"
- O'zini-o'zi yakkalash rejimiga rioya qilyapsizmi?
- Ha, uyda o'tiribmiz, faqat oziq-ovqat do'konlariga chiqyapmiz.
- SHaharda pandemiya bilan bog'liq holat qanday?
- Menimcha hamma joyda bo'lgani kabi. Faqatgina supermarketlar va dorixonalar ishlayapti, odamlar faqat o'zlarining ko'chalariga chiqishadi.
- Nima deb o'ylaysiz, bu uzoq davom etadimi?
- Umid qilamanki, yo'q. Hammasi tez orada tugaydi va hammasi yaxshi bo'ladi.
- Uyda shug'ullanyapsizmi?
- Ha, turli hil individual mashqlar bajaryapman, mushaklarga kuch bermoqdaman. Har birimizga bu bo'yicha dastur va jadval berilgan.
- Ortiqcha vazn jamg'arishdan qo'rqmaysizmi?
- Yo'q, vazn bo'yicha menda har doim hammasi yaxshi bo'lgan. Agar ortiqcha ikki kilogramm vazn to'plasam ham, undan tezda qutulaman.
- Odatdagidek ovqatlanyapsizmi?
- Ha.
- "Rostov"dagi boshqa sheriklaringiz bilan aloqadamisiz?
- Albatta. Valeriy Georgievich (Karpin) bilan ham. Agar undan nimanidir so'ramoqchi bo'lsangiz, osongina qo'ng'iroq qilishingiz mumkin.
"Kino ko'ryapman, o'qiyapman va qo'shiq eshityapman"
- Siz faol ravishda PES 20 simulyatorida futbol o'ynayapsiz - hattoki RPL o'yinchilari o'rtasidagi musobaqada ham qatnashmoqdasiz...
- Bu juda qiziqarli. Hamma o'yinlar ham o'xshamayotganligi bor gap, sababi men PES 13'da o'ynashga o'rganib qolganman. Baribir, bu bilan farqi bor.
- FIFA ham o'ynaysizmi?
- Ha.
- Uzoq vaqtdan beri kibersportga qiziqasizmi?
- Ancha yillardan buyon.
- Bo'sh vaqtlarda yana nima bilan shug'ullanasiz? Ahir hozir bo'sh vaqtingiz etarli!
- Rafiqam bilan kino ko'ryapman, o'qiyapman va qo'shiq eshityapman. Menimcha, huddi hamma kabi. SHunday qilib kun o'tmoqda.
"Ovqat tayyorlash - qiziqarli"
- Sizning ota-onangiz hali ham O'zbekistonda yashashadimi?
- Ha, men tug'ilgan O'zbekistonning janubidagi Surxondaryo viloyatida.
- Ular ham karantindami?
- Albatta, u erdagi talablar bu erdagidan qattiqroq. Men ular bilan doimo aloqadaman va har kuni qo'ng'iroqlashaman.
- Qiziq, hozir uyda kim ovqat tayyorlayapti?
- Odatda xotinim, ammo men ham nimalardir tayyorlashni bilaman. Menimcha, ovqat tayyorlash - qiziqarli ish.
- Palov pishirishni bilasizmi?
- Hozircha faqat o'rganyapman. Bu ko'ringanidek oson ish emas.
- Hozir nima tayyorlay olasiz?
- So'nggi bor dimlama pishirdim. Bu qo'y go'shti bilan pishiriladigan o'zbek taomidir. Xotinimning aytishicha, yomon chiqmagan. Bundan mamnunman.
- Men uchun ham boshqa odamlar kabi o'zbek oshxonasining bosh taomi - palov. Oilangizdan kim uni eng zo'r tayyorlay oladi.
- Ko'pchilik. Odatda u ko'p odamlar yig'iladigan bayram paytlari tayyorlanadi. Masalan, tug'ilgan kunlarda.
"Rostov" - katta oila.
- Jamoangiz Rostovda norasmiy sharoitda to'planadimi? Restoranda yoki aytaylik, tabiat qo'ynida?
- Bizda yaxshi muhit bor. Klub rahbariyati, murabbiylar shtabi, futbolchilar va xodimlar bitta katta oiladir. Hamma jamoa to'planadigan payt bo'ladi. Masalan, kimnidir tug'ilgan kuni yoki boshqa bayramlarda.
- Mashhur Rostov qisqichbaqasini tatib ko'rdingizmi?
- Albatta.
- Yoqdimi?
- Juda. Asosan yaxshi sheriklar bilan bo'lsa. Qaerda bo'lishi muhimmas - Don qirg'oqidami yoki restoranda.
- Eldor, "Rostov"dagi eng quvnoq inson kim?
- Xoren Bayramyan deb o'ylayman. Aftidan, u hech qachon xafa bo'lmaydi. Pozitiv yigit! (kuladi)
"Ota bo'lishni va farzandlarni tarbiyalashni orzu qilaman"
- Futbolga qaytamiz. Tasavvur qiling, karantin olib tashlandi. Kerakli formani tiklash uchun qancha vaqt talab etiladi?
- O'ylaymanki, bir oy atrofida.
- Joriy mavsum oldingizga qanday vazifa qo'ygansiz?
- "Rostov"ni jadvalda imkon qadar yuqoriga ko'tarish uchun qo'ldan kelgan barchasini qilish. SHaxsiy maqsadim esa Rossiya chempionatining eng yaxshi to'purari bo'lish. Bu borada imkoniyatim bor deb o'ylayman.
- Yani Dzyubani to'purarlar poygasida quvib o'tishning imkoni bormi?
- Ha, albatta.
- Aytgancha, nega penalti tepmay qo'ydingiz? Bu orqali ko'p gollar urishingiz mumkin edi...
- Nima uchun? "Rostov"da penaltichilar bor, tajribali o'yinchilar - ular tepishadi.
- O'zbekiston terma jamoasida nimaga intilasiz?
- Jamoam bilan JCHga chiqishni va vaqti kelib eng yaxshi to'purar bo'lish maqsadim.
- Qaysi hujumchilarga o'xshashni xohlardingiz?
- Hech kimga. Men o'zim bo'lishni xohlayman. Agar kimningdir o'yini yoqishini aytishim kerak bo'lsa, Drogba va Fernando Torreslarni aytaman.
- O'tmishdagi o'zbekistonlik futbolchilardan kimni alohida ayta olasiz?
- Mirjalol Qosimov. U bizning afsonamiz.
- Joriy mavsumdagi eng yorqin o'yiningiz?
- Mehmonda "Spartak"ni 4:1 hisobida yutganimiz (SHomurodov bu o'yinda gol urmagan, ammo assist qayd etgan)
- Faoliyatingizdagi eng chiroyli golchi?
- Menga hali ham O'zbekiston chempionatida "Nasaf"ga urgan golim yoqadi. Mening "Bunyodkor"im o'shanda 1:0 hisobida yutgandi.
- Hayotdagi "avtoritet"ingiz kim?
- Otam. Agar u bo'lmaganida, hozirgiday bo'lmasdim. U mening tarbiyamda asosiy rolni o'ynagan.
- Yilning qaysi payti sizga yoqadi?
- Menga bahor yoqadi.
- Bahor Rossiya va O'zbekistonda farqlimi?
- Qaerda bo'lishiga qarab. Agar Rostov bilan taqqoslasak, juda ham o'xshash.
- Nimani orzu qilasiz?
- Futbolda yuqorida aytganimdek JCHda o'ynash, oilaviy rejalarda esa ota bo'lish va bolalarni tarbiyalash.
Bosh sahifaga
256