"Paxtakor" tarkibida SSSR chempionatlarida 252 uchrashuvda maydonga tushib, 52 gol muallifi bo'lgan hujumchi faoliyatini faqat jamoa safida o'tkazgani etiborga molik. U 1967-79 yillar mobaynida, ketma-ket 13 mavsum "Paxtakor" sharafini munosib himoya qilgan. Bir qator ajoyib g'alabalarga o'zining munosib hissasini qo'shgan, chiroyli harakatlari, ajoyib gollari bilan muxlislar mehrini qozongan. 1979 yil jamoa aviahalokatga uchragach, u futbolchilik faoliyatini yakunlashga qaror qilgan.
Bugungi kunda To'lagan O'lmasovich "Paxtakor" va O'zbekiston futbolida faxriylar tomonidan uyushtiriladigan turli tadbirlarda faol ishtirok etadi. O'sib kelayotgan yosh avlodga "Paxtakor" jamoasi ananalari, sobiq futbolchilar haqida tushunchalarni singdirish bilan mashg'ul. Maydonda bo'lmasa ham baribir futbol ichida juda faol. Tug'ilgan kuni bilan To'lagan Isoqovni tabriklab, unga salomatlik, baxt va amalga oshirayotgan ishlarida yanada muvaffaqiyat tilab qolamiz.
Tug'ilgan kun muborak, To'lagan O'lmasovich!
Bosh sahifaga
347