Argentinalik mutaxassis bir mavsumda 40,5 million evro maosh olgan holda, dunyodagi eng ko'p haq oluvchi murabbiyi sanaladi.
"Atletiko" pandemiya tufayli katta moliyaviy yo'qotishlarga uchradi, shu sabab bugun tug'ilgan kunini nishonlayotgan "El CHolo"ning maoshini ko'rib chiqadi.
Madridda Simeone maoshining kamayishiga rozi bo'lishiga umid qilishmoqda, ammo bu bilan hamkorlikning to'xtab qolishi mumkinligi ham ehtimoldan yiroq emas. SHu sabab klub argentinalikning o'rniga nomzod topib qo'ymoqda.
Agar Diego Simeone ketishni xohlasa, "Atletiko" jamoada "Milan" va "Yuventus" sobiq ustozi Massimiliano Allegrini ko'rmoqchi. Qayd etish kerakki, "matraschilar" italiyalik mutaxassis bilan oldindan muzokaralar ham olib borishdi.
Qo'shimcha qilish kerakki, 52 yoshli Massimilano Allegri o'tgan yilning yozidan beri ishsiz yuribdi. U bunga qadar "Yuventus" bilan ketma-ket 5 bor, "Milan" bilan esa bir bor A Seriya chempionligini qo'lga kiritgan.
Bosh sahifaga
275