Malumot uchun, Kapadze 2004, 2007, 2011, 2015 yilgi qita birinchiliklarida terma jamoamiz sharafini himoya qilgan. Aytish mumkinki, Timur Kapadzening yorqin xotiralari faqat bitta musobaqa atrofida bo'ldi.
Eng esda qolgan turnir
- "Eng esda qolgan musobaqa deb 2011 yil Qatarda o'tkazilgan Osiyo Kubogini aytgan bo'lardim. Bu turnirda O'zbekiston milliy terma jamoasi eng yaxshi natijasini qayd etib, yakunda 4-o'rinni qo'lga kiritganmiz. O'ylaymanki, ko'pchilik muxlislarga ham Qatarda o'tgan musobaqa yoqqan".
Eng esda qolgan o'yin
- "Eng esda qolgan o'yin - 2011 yil Qatarga qarshi kechgan bahs. Bu musobaqaning ochilish uchrashuvi bo'lib, etibor yuqori edi. Ko'pchilik mezbonlarni favorit deb hisoblagan bir paytda biz 2:0 hisobida yutganmiz. Juda chiroyli o'yin bo'lgandi".
Eng esda qolgan g'alaba
- "Eng esda qolgan g'alaba sifatida ham 2011 yilgi bahsni aytaman. Guruhdan chiqqach Iordaniyaga qarshi maydonga tushgandik. Mana shu o'yinni hozirgacha unutmayman. Ulug'bek Baqoev ikkita gol urgan uchrashuvda 2:1 hisobida g'alaba qozonganmiz".
Eng alamli mag'lubiyat
- "Afsuski, eng alamli mag'lubiyat ham Osiyo Kubogi-2011da ro'y bergan. Musobaqaning yarim finalida Avstraliya bizni 6:0 hisobida mag'lub etgandi. Bu o'yin nihoyatda alamli mag'lubiyat sifatida yodda qolgan".
Eng chiroyli gol
- "Eng chiroyli va esda qolgan gol sifatida 2011 yilgi musobaqaning guruh bosqichi 3-turida Aleksandr Geynrix tomonidan Xitoy darvozasiga urilgan golni aytgan bo'lardim. 2:2 hisobida yakun topgan bahsda Geynrix juda chiroyli to'p kiritgandi".
Bosh sahifaga
209