Germaniyada Bundesligaga restart berilmoqda. Ushbu sahifada dahshatli Rur derbisidan matnli translyaciyani kamina Tolibjon Qosimov bilan birga kuzatib borishingiz mumkin.
YANGILASH
 Borussia Dortmund Erling Braut Haaland - 29', Raphael Guerreiro - 45', Thorgan Hazard - 49', Raphael Guerreiro - 63' | 1. Bundesliga . 26-tur 16/05/2020, 18:30 0 : 4 2-bo'lim |  Schalke 04 |
Stadion: Signal Iduna Park, 0 tomoshabin
Bosh hakam: Deniz Aytekin
Stadionda bolboylar ham yo'q.
Masofa saqlagan holda gol nishonlash.
56 - Burgshtallerning zarbasini Byurki ushlab oldi.
"Borussiya D" restartga tayyor holda etib kelibdi, "SHalke-04" esa hali "uyg'onmagan". Mezbonlar safida hali Sancho va Roys o'ynamayapti hozircha.
48 - Gooooollll, Torgan Azarrrr!!! Brandt - Azar - Xoland uchligi bugun "SHalke"ni "eb qo'ydi". Xoland markazda to'pni Yulianga tashlab yubordi, Brandt esa Torganni topdi va o'yindagi ikkinchi golli pasini ijro etdi. Belgiyalik esa aniq zarbasi bilan hisobni yiriklashtirib qo'ydi.
Ikkinchi bo'lim boshlandi. David Vagner 1-bo'limda o'yin chiqmaganidan keyin tanaffusda biryo'la ikkita o'zgarishga qo'l urdi.
Bundesliganing O'zbekistondagi barcha muxlislari bugun "Signal Iduna Park"da :)))
Tanaffus!
45 - Gooooolllll, Gerreyruuuu!!! Mehmonlar kiperi Markus SHubert Xolandning bosimi ostida qo'pol xatoga yo'l qo'ydi va to'pni maydon markazida turgan Daudga tashlab qo'ydi. Mahmud Brandtga, Yulian esa Gerreyruga pas. CHap qanotda loteral rolini bajarayotgan portugal esa ikkinchi golni urdi.
Xoland hisobni ochgandan so'ng.
41 - Zarbaaa, Mahmud Daudning kuchli zarbasini Sanening boshi qaytardi.
Yana bir etiborga molik jihat: "Manchester Yunayted" klubi shu kunlarda mezbonlar vingeri Jeydon Sancho va uning transferi o'xshamagan taqdirda "SHalke" yarim himoyachisi Rabbi Matondoni ko'zlayotgani haqida xabarlar urchimoqda. Bugun "qizil iblislar" skautlar har ikki o'yinchini diqqat bilan kuzatishlari aytilgandi. Ammo, har ikki futbolchi zaxira o'rindig'ida o'tiribdi.
29 - Gooooolllll, Erlingggg Xolaaaaand!!! Mezbonlardan ajoyib kombinaciya. Brandtdan nozik did bilan berilgan pas, keyin esa Azardan aqlli va aniq golli pas, "sariq bola"dan esa gol.
26 - Zarbaaa, Daniel Kalijuriii. Uning zarbasini Roman Byurki oyoqlari bilan qaytardi. De Xea rejimi yoqildi. Bu uchrashuvdagi eng yaxshi vaziyat bo'ldi, hozircha.
Oldinga o'tib bir narsani aytishim mumkin, tanaffus bo'lganda sizni shu sahifada o'zgacha bir rasm kutib turibdi)
24 - Zarba, Erling Xoland o'zining asosiy hisoblangan chap oyog'ida kuchli zarba berdi, ammo noaniq.
22 - Serdar Torgan Azarga nisbatan o'yin qoidasini buzdi va xavfli nuqtadan jarima zarbasi. Hakimining zarbasini jonli devor qaytardi.
"Sokin Iduna Park" bugun)
- Muxlislarsiz futbol biroz g'alati ko'rinmoqda. Baribir futbol muxlislar bilan go'zal.
"Borussiya D" zaxira o'rindig'i.
"Borussiya D" rasmiy saytida klubning ko'zi ojiz va yaxshi ko'rmaydigan muxlislari jamoaning barcha o'yinlarini onlayn sharhini tinglab borishlari mumkin. Klub ularga mana shunday qulaylik yaratib berdi. Tasanno!
12 - Hakimining pasidan Torgan foydalana olmadi.
11 - Aytekin VARga murojaat qildi va penalti (mezbonlar foydasiga) yo'q ekanligini ko'rsatdi.
To'g'rilash: Hozir maydonda Torgan Azar yuribdi, "Borussiya D" matbuot xizmati bergan xabarga ko'ra, Jovanni Reyna o'yin oldi chigilyozdi mashqlarida mushaklarini shikastlab olgan va o'zining Bundesligadagi debyutini kechiktiradigan bo'ldi. Amerikalikning o'rnini Torgan egallagan.
6 - Kalijurining zarbasini jonli devor qaytardi.
"SHalke-04" tarkibida esa nemis futbolining bo'lajak asosiy darvozaboni bo'lishi kutilayotgan Aleksandr Nyubel zaxirada. Sababi nima dersiz, gap shunda-ki, Nyubel "Bavariya" bilan shartnoma imzolaganidan keyin bosh murabbiy David Vagner juda iqtidorli kiperni zaxiraga "mixladi".
"Borussiya" matbuot xizmati Bundesliga qaytishiga mana shunday kreativ munosabat bildirdi.
Bugun "Borussiya D" bosh murabbiyi Lyusen Favr raqibga kichik syurpriz tayyorlabdi. Jamoaning asosiy vingerlari Jeydon Sancho va Torgan Azar zaxirada qolgan. Qanot hujumchilari rolini esa 17 yoshli Jovanni Reyna va Yulian Brandt bajarishadi. Bundan tashqari, mezbonlar tarkibida bugun Aksel Vitsel, Emre Jan va jamoa sardori Marko Royslar ishtirok eta olishmaydi. Yo'qotishlar etarlicha.
- Deniz Aytekin xushtagini chaldi va derbini boshlab berdi. Kettik.
Bundesliga
26-tur, 16.05.2020
"Signal Iduna Park", Dordmund
"Borussiya D" - "SHalke-04" 4:0 LIVE
Bosh hakam: Deniz Aytekin.
Gollar: E.Xoland 29 (pas T.Azar), R.Gerreyru 45 (YU.Brandt), 63 (E.Xoland), T.Azar 48 (YU.BBrandt)
"Borussiya D": 1.Roman Byurki, 15.Mats Xummels, 26.Lukash Pishhek, 13.Rafael Gerreyru, 16.Manuel Akanji, 5.Ashraf Xakimi, 6.Tomas Delayni (18.Leonardo Balerdi, 68), 8.Maxmud Daud, 19.Yulian Brandt, 23.Torgan Azar, 17.Erling Xoland.
Zaxira: 35.Marvin Xitc, 29.Marsel SHmelcer, 22.Mateu Morey, 10.Mario Gyotce, 7.Jeydon Sancho, 37.Tobias Rashl, 33.Kris Fyurix.
Bosh murabbiy: Lyusen Favr
"SHalke": 23.Markus SHubert, 26.Salif Sane, 5.Mattia Nastasich, 20.Jonjo Kenni, 18.Daniel Kalijuri, 24.Bastian Ochipka, 8.Suat Serdar, 2.Ueston Makkeni, 25.Amin Xarit, 21.Jan-Kler Todibo (19.Gvido Burgshtaller, 46), 9.Benito Raman (14.Rabbi Matondo, 46).
Zaxira: 35.Aleksandr Nyubel, 3.Xuan Miranda, 31.Tim Bekker, 28.Alessandro SHepf, 11.Mixael Gregorich, 37.Myunir-Levent Merjan, 15.Axmed Kutuju.
Bosh murabbiy: Devid Vagner
Ogohlantirishlar: T.Delayni 53 - S.Sane 49
Bosh sahifaga
157