"Verder"ning ayni damdagi ishlari yaxshi emas. Florian Kofeldt shogirdlari 18 ochko jamg'argan holda jadvalning 17-o'rnida borishmoqda. Elitada qolish maqsadida bo'lgan jamoaning bitta zaxira o'yini mavjud ("Ayntraxt", 24-tur).
"Farmacevtlar"da esa holat biroz boshqacharoq. Joriy yil CHLda guruh bosqichidan nariga o'ta olmagan jamoa kelasi yil ham Evropaning eng nufuzli klublari musobaqasida qatnashish harakatida. "Bayer" bu yo'lda jiddiy raqobatga kirishgan. Ammo, kuchli to'rtlik uchun imkoniyat boy berilgan taqdirda ham, leverkuzenliklar evrokuboklarsiz qolishmaydi.
"Bayer" mavsum restartini mehmondagi o'yin bilan boshlasada, buning ijobiy taraflari ham yo'q emas. Mezbon Bremen jamoasi o'z maydonida ochko to'plash bo'yicha eng yomon ko'rsatkichga ega. Bremenliklar 11ta uy uchrashuvida o'tkazib atigi 5 ochko to'plashgan va 26ta gol o'tkazib yuborishgan. SHu o'rinda aytish kerakki, leverkuzenliklar o'z navbatida, mehmondagi o'yinlarda eng yaxshi ishtirok etayotgan Top-4 jamoalar orasida. "Farmacevtlar" 12ta o'yinda 22 ochko to'plab, raqiblar darvozasini 12 bor ishg'ol qilishgan.
"Verder" 14 yil davomida jamoa bilan ijobiy natijalar qayd etgan Tomas SHaafdan so'ng yana o'z tizimidan murabbiy topishga qaror qildi. Bunday mutaxassis istefodan qo'rqmagan holda jamoa bilan uzoq vaqt ishlaydigan murabbiy bo'lishi lozim edi. 2017 yilda bremenliklar ustoziga aylangan Florian Kofeldt aynan shunday edi. U o'rganadi, xatolarni tan olishdan qo'rqmaydi, urinadi va izlanadi, asosiysi ishlaydi. Ammo, Bundesligada juda kamtar tarkibga ega bo'lgan murabbiy uchun bu ilk katta sinovdir.
"Bayer" ustozi esa o'yindan oldin Lars Benderdan "ayrildi". Futbolchi to'pig'idagi jarohat sabab bugun jamoasiga yordam bera olmaydi. Uning o'rniga esa 17 yoshli hujumkor yarim himyaochi Florian Virtc qaydnomadan o'rin egallagan. Yosh o'yinchi Boshda katta taassurot qoldirdi, ammo unga asosiy jamoada muntazam o'rin yo'q, hozircha.
GERMANIYA BUNDESLIGASI TURNIR JADVALI
Malumot uchun, Bremenning "Verder" jamoasi Bundesligada eng ko'p o'yin o'tkazgan jamoa hisoblanadi - 1890 ta uchrashuv.
Taxminiy tarkiblar
"Verder" himoyadagi muammolarni bartaraf etish uchun dekabr oyidan 3-4-3 sxemasiga o'tgan. "Bayer" esa mavsumda uch yoki to'rt nafar himoyachi bilan o'ynab kelmoqda.
Demak, bugun soat 23:30. Restart olgan Bundesliga 26-turining so'ngi uchrashuvi. O'tkazib yubormang!
 Werder Bremen | 1. Bundesliga . 26-tur 18/05/2020, 23:30 - : - Boshlanmadi |  Bayer Leverkusen |
Stadion: Wohninvest-Weser-Stadion
Bosh sahifaga
202