Albatta, bunday sharoitda sport formasini ushlab turish oson emas. Bu haqda jamoaning yosh va iqtidorli futbolchisi Abbos G'ulomov ham fikrlarini bildirib o'tdi.
“Avvalambor barcha yurtdoshlarimizni yaqinlashayotgan hayit bayrami bilan tabriklayman. Karantinda hamma turlicha mashg'ulotlar va ishlar bilan band bo'lmoqda. Kimdir kitob o'qimoqda, yana kimdir qiziqarli filmlar tomosha qilmoqda. Meni kunim esa asosan uy yumushlari bilan o'tmoqda. Orada yuzaga kelgan tanaffus sabab oila azolarimga ko'maklashmoqdaman. Barcha qatori biz ham katta futbolga va yashil maydonga qaytishni sog'indik. Bunga ko'nikish oson bo'lmadi.
O'tgan yilgiga qaraganda ancha o'sishga erishdim deb o'ylayman. Lekin, bu bilan to'xtab qolmoqchi emasman. Yanada ko'proq mehnat qilib, o'z ustimda ko'proq shug'ullanmoqchiman. SHu paytgacha malum bir darajada tajriba to'pladim, jamoadagi yoshi katta futbolchilar o'z maslahatlarini ayamaydi.
Murabbiylarimiz karantinda sport formamizni yo'qotib qo'ymasligimiz uchun turli qiziqarli mashg'ulotlar dasturini yuborib turishadi. Bu avvalo o'zimiz uchun kerak deb bilaman.
Futbolchi uchun to'g'ri ovqatlanish ham muhim sanaladi. Men ham uyda qatiy tartib asosida bunga rioya qilmoqdaman. Ko'pi ketib ozi qoldi. Tez orada hammasi o'z holiga qaytishiga umid qilaman”,- deydi G'ulomov.
Malumot o'rnida aytib o'tish joizki, Abbos G'ulomov Superliga-2019 mavsumida jami 21ta uchrashuvda maydonga tushdi. Raqiblar darvozasini esa bir bor ishg'ol qilib, jamoadoshlarining ikki goliga assistentlik qildi. Joriy mavsumda esa u barcha uchta turda ham asosiy tarkibda dastlabki daqiqalardan boshlab faol harakat qildi.
Abdulaziz Iskandarov yozib oldi
Bosh sahifaga
425