Biroq, yarim himoyachining ushbu jamoadagi faoliyati uzoqqa cho'zilmadi. Yodingizda bo'lsa Tagaev 2016 yilning ikkinchi davrasida Orif Mamatkazin boshchiligidagi “Andijon” jamoasida ham malum vaqt to'p tepgan, klub quyi ligaga ravona bo'lgach u ham ketishga qaror qilgandi. SHunday bo'lsada ikkinchi davrada 12ta uchrashuvda maydonga tushgan, muxlislarda yomon taassurot qoldirmagandi.
Keyinchalik Ozarbayjon chempionatida o'zini ko'rsatgach “lochinlar” safiga kelib qo'shilgandi. Namanganlik ishqibozlar undan ko'p narsa kutishgani rost, boisi o'z vaqtida bu jamoada turkmanistonlik murabbiy Rahim Qurbonmamedov va boshqa turkman futbolchilari yani Didar Xojiev, Davletmurod Otaev kabilar bilan ajoyib tarkibni shakllantirgandi. Xo'sh, Elman Tagaev nima uchun klubdan ketdi? Futbolchi intervyularining birida shunday izoh bergan va batafsil fikrlarini bildirib o'tgandi.
“Hozirda “Axal” jamoasida harakat qilmoqdaman. O'z yurtimga qaytib faoliyatimni davom ettirishni maqul ko'rdim. Namanganda kam o'ynaganimni sabablari bor. Lekin, bu haqida ko'p gapirmoqchi emasman. Gap murabbiyda emas, Andrey Kanchelskis yaxshi inson. U bilan o'rtamizda hech qanday ziddiyat va kelishmovchilik yuzaga kelmagandi. Ketish o'zimning shaxsiy qarorimdir. Jamoani tark etsam o'zimga ham, ularga ham qaysidir manoda foyda bo'lardi. Ammo, namanganlik ishqibozlarni yodimdan chiqarmayman, ular O'zbekistonda tengsiz va yagona. Safarda o'ynaganimizga qaramay ajoyib muhitni yaratib bera olishdi. Inson doim o'zi uchun to'g'ri qarorni qabul qilishi kerak deb o'ylayman.
“Andijon”ni o'sha paytda paydo bo'lgan vaziyat sababli tark etganman. Boshqa izohga hojat yo'q. Yangi futbolchiga moslashishi uchun malum bir vaqt kerak, u erdagi futbolchilar, jamoa, sharoitga tushib olishi lozim. Murabbiyning uslubi va talablariga mos kelish degan narsalar ham bor”,- degandi yarim himoyachi.
Malumot o'rnida 2019 yilgi mavsumda u “Navbahor” safida 3ta o'yinda ishtirok etdi va maydonda umumiy hisobda 75 daqiqa harakat qildi.
Bosh sahifaga
258