Xoland safdan chiqdi, "Borussiya"ning yana bir futbolchisi mavsum oxirigacha o'ynamaydi

2020-05-29 17:30:01 / Kiritdi: BestMaster O'qilgan: 384

Bundesliga 28-turida "Borussiya D" o'z maydonida "Bavariya"ga 0:1 hisobida imkoniyatni boy berib qo'ygandi.

Ana shu uchrashuvda dordmundliklar safida biryo'la ikki o'yinchi jarohat oldi.

"Borussiya" bosh murabbiyi Lyusen Faqrning xabar qilishicha, myunxenliklarga qarshi bahsda hakam bilan to'qnashib ketgan Erling Xoland 29-turda "Paderborn"ga qarshi o'ynamaydi, shuningdek, yarim himoyachi Mahmud Daud ham bellashuvni o'tkazib yuboradi.

"Afsuski, "Bavariya"ga qarshi uchrashuvdan keyin Daud mavsum so'nggiga qadar safdan chiqqanini bildik", - dedi Favr.

Eslatib o'tamiz, "Borussiya D" "Paderborn"ga qarshi 31 may kuni mehmonda to'p tepadi. O'yin Toshkent vaqti bilan 21:00da start oladi.

Teglar: xoland, safdan, chiqdi, borussiyaning, yana, futbolchisi, mavsum, oxirigacha, oynamaydi,
← Oldinga Orqaga →