"Karantinda futbolni juda sog'ingandik. Xudoga shukur, futbol boshlanish arafasida. Karantin barcha jamoalarga bir xil sharoit taqdim etdi. Qisqa fursatda jamoamiz imkon qadar har taraflama o'yinga puxta tayyorgarlik ko'rdi. Ochig'i, maydonga tezroq chiqishni va yana ishga kirishishni intizorlik bilan kutyapman. Bo'm-bo'sh stadionda o'ynash g'alati bo'lishi aniq. Lekin biz uyda televizor qarshisida turib, bizni masofadan qo'llab-quvvatlaydigan muxlislarimizni xursand etish uchun o'ynaymiz. Har bir o'yinga jiddiy yondoshib, olmaliqlik ishqibozlarga alo kayfiyat ulashish uchun harakat qilamiz. Navoiyga birinchi safarim aynan AGMK bilan bo'lmoqda. Umid qilamanki, ilk safar omadli chiqadi va bo'lajak uchrashuvda g'alaba qozonamiz. Eng muhimi, yutuq. Lekin Navoiydagi debyut uchrashuvimda gol urib, g'alabaga hissa qo'shishga astoydil intilaman. Bizni qiyin va qizg'in bahs kutmoqda. AGMK yashil maydon va undagi ajoyib onlarni sog'ingan", - deya gapirib o'tdi Sanjar Tursunov.
Bosh sahifaga
166