Bugun Toshkentda mehmon bo'lgan Baxtiyor Ashurmatov shogirdlari poytaxt klubiga munosib qarshilik ko'rsatgan holda ortlariga kichik 0:1 hisobidagi mag'lubiyat bilan qaytishga majbur bo'lishdi. Mazkur bahsdan so'ng esa qo'qonliklarning etakchi futbolchisi Quvondiq Ro'ziev fikrlari bilan o'rtoqlashdi.
“Oradan uch oy o'tib yana rasmiy uchrashuvlarni o'tkazishga ruxsat berishdi. O'ylashimcha, bu futbolchilar uchun juda katta muddat. Lekin, bizga bular bahona bo'la olmaydi. Biz bugun raqibga har jabhada mag'lubiyatga uchradik.
O'yin davomida hujumga o'tishga bizda deyarli imkoniyat bo'lmadi. CHunki, “Bunyodkor” jamoasi to'psiz qoldirishni uddasidan chiqdi. Bunaqa havoda to'psiz o'ynash katta kuch talab qiladi. Aslida bellashuvga bo'lgan rejamiz boshqacha edi. Ko'rgan bo'lsangiz ilk daqiqalardan ikkita hujumchi bilan harakat qilishni boshladik. Ammo, hujumchilarni to'p bilan taminlab bera olmadik. Bu mening vazifam edi. To'g'risi, o'yinimdan qoniqish hosil qilmadim. Murabbiylar va muxlislar kutgandek o'ynay olmadim. Keyingi uchrashuvlarda g'alaba qozonib ishqibozlarimizni xursand qilishga borimizni beramiz”,- deydi Quvondiq Ro'ziev.
Bosh sahifaga
193