Keskin ruhda kechgan bahsda "Sug'diyona" 1:0 hisobida "sherlar"ni mag'lubiyatga uchratdi va joriy mavsumdagi ilk g'alabasini nishonladi. Bellashuvdan so'ng esa o'yin qahramoni SHohruz Norxonovning fikrlarini bildirib o'tdi.
"G'alaba bilan jamoadoshlarimni va jizzaxlik muxlislarni tabriklayman. Bugun qo'lga kiritgan g'alabamiz bizga keyingi turlarda qo'shimcha kuch va ishonch beradi. Menimcha, bugun jamoamizda g'alabaga bo'lgan xohish va ishtiyoq yuqori edi, muvaffaqiyatdagi bosh omil ham shu. Buni maydonda o'z o'yinimiz bilan isbotladik deb o'ylayman. Barcha jamoadoshlarimni yordami va zaxiradagi futbolchilarning ishonchi ham uch ochkoni qo'lga kiritishimizda muhim ahamiyat kasb etdi. Dastlabki uchta turda salbiy natijalar qayd etib ishqibozlarimizni ranjitib qo'ygandik. SHuning uchun bugun har qanaqasiga g'alaba qozonishimiz zarur hisoblanardi.
Oldingi chiziqqa o'tganimdan so'ng o'zimni erkin his qildim. Golli vaziyatlar ko'p bo'ldi. Havo harorati issiqligi bois birinchi bo'limda qiynaldik. Ikkinchi bo'limda gol urganimizdan so'ng bosim yo'qoldi. "Paxtakor" amaldagi mamlakat chempioni va kubok sohibi. Ularga etarlicha qarshilik ko'rsatdik va imkoniyat qoldirmadik",- deydi SHohruz Norxonov.
Bosh sahifaga
220