Bahs davomida mehmon jamoa vakillari oradagi farqni yo'qqa chiqarish uchun qator vaziyatlarni yuzaga keltirishgan bo'lsada, mezbonlar posboni Milan Mitrovich raqibga gol urish imkonini qoldirmadi va o'zining seyvlari bilan jamoasining joniga oro kirdi. Uchrashuvdan keyin mahoratli kiperga yuzlanib fikrlari bilan qiziqdik.
"Jamoamizdagi barcha futbolchilarga ajoyib jangovar o'yin uchun rahmat aytaman va g'alaba bilan tabriklayman. Uchrashuv qiyin bo'ldi. Biz tanaffusdan so'ng kiyinish xonasida barchasini kelishib oldik va maydonga kuchli shijoat, istak bilan tushdik. "Paxtakor"ni mashg'ulotlarda kuchli va kuchsiz tomonlarini o'rganib chiqqandik. Raqibni hujumlarini zararsizlantirishga va to'xtatishga erisha oldik. Mavsumni yomon boshlagandik. Bu g'alaba biz uchun burilish nuqtasi bo'la oladi degan umiddaman.
Kuchli jamoani mag'lub etish doim yoqimli. Albatta, bunday darajadagi jamoa bilan o'ynaganda hayajon va bosim bo'lishi tabiiy. "Paxtakor" va shunga o'xshash klublardan ustun kelsangiz doim sensaciyaga qiyoslashadi",- deydi Milan Mitrovich.
Bosh sahifaga
307