Unga ko'ra tur futbolchisi sifatida "Metallurg" o'yinchisi Doniyor Narzullaev etirof etildi. Mahoratli yarim himoyachi "Lokomotiv" bilan o'yinda barcha uchta golda assistentlik qilib jamoasining g'alabasiga munosib hissa qo'shdi. Biz bu borada "Metallurg" jamoasi azosining fikrlari bilan qiziqdik.
"Birinchi galda etibor uchun katta rahmat. Ochig'i xursand bo'ldim. O'yinga keladigan bo'lsak ko'rgan bo'lsangiz birinchi bo'limda ustunlik ko'proq raqib tomonida bo'ldi. Lekin, biz yaxshi himoyalandik. Bahs kurashlarga boy tarzda o'tdi desam adashmagan bo'laman. Ikki jamoa ham g'alaba uchun maydonga tushgandi. Biz jamoaviy o'yin namoyish qildik. "Lokomotiv" o'zi yaratgan imkoniyatlardan foydalana olmadi. Aleksandr Lobanov jamoamizni uchta yaqqol goldan qutqarib qoldi. Uning seyvlari bizni yanada ruhlantirib yubordi. Umuman olganda karantindan so'ng uchrashuvga qisqa vaqt davomida munosib tayyorgarlik ko'rdik",- deydi Narzullaev.
Bosh sahifaga
339