Quraga ko'ra Timur Kapadze boshchiligidagi O'zbekiston yoshlar terma jamoasi "A" guruhida Indoneziya, Kambodja va Eron bilan kurash olib boradigan bo'ldi.
Yoshlarimiz ochilish uchrashuvini Eronga qarshi o'tkazishadi. Ikkinchi turda Kambodja bilan kuch sinashamiz va so'nggi turda Indoneziya bilan o'ynaymiz.
1-tur
O'zbekiston - Eron
Indoneziya - Kambodja
2-tur
Kambodja - O'zbekiston
Eron - Indoneziya
3-tur
O'zbekiston - Indoneziya
Kambodja - Eron
"A" guruhidan chiqqan ikki jamoa "B" kvartetidan chiqqan jamoalarga qarshi chorak finalda to'qnash kelishadi.
"B" guruhida Janubiy Koreya, Yaponiya, Iroq va Bahrayn jamoalari o'rin olishdi.
Eslatib o'tamiz, bu yilgi U-19 Osiyo chempionati 14-31 oktyabr kunlari O'zbekistonda bo'lib o'tishi rejalashtirilgan. Musobaqa o'yinlari Toshkent, Olmaliq va Namangan shaharlaridagi jami 4ta stadionda o'tkaziladi. Qita chempionatida yarim finalga chiqqan to'rt jamoa kelgusi yil Indoneziyada o'tadigan U-20 Jahon chempionatiga yo'llanmani qo'lga kiritadi. Agar Indoneziya Osiyo chempionatida yarim finalga chiqsa chorak finalda mag'lub bo'lgan 4 jamoa ishtirokida pley-off bahslari o'tkaziladi va so'nggi yo'llanma egasi aniqlanadi.
Bosh sahifaga
128