O'yinda ustunlikni qo'liga olgan va buni hisobda ham aks ettirgan "sherlar" haqli tarzda g'alabani tantana qildi. Uchrashuvdan so'ng esa mezbonlarning tajribali himoyachisi Anzur Ismoilovning fikrlari bilan qiziqdik.
"Bugun ochiq va hujumkor o'yin bo'ldi. Ikki jamoa ham futbol o'ynadi. Tezkor gol urib oldik. Stadionda barchasi alo darajada, chim holati ham yaxshi. Biz qatori "Bunyodkor" futbolchilari ham g'alaba uchun maydonga tushgandi. Bugun raqibdan bir kalla kuchliroq o'ynadik. O'yin tashkil qilish tomonidan, vaziyatlardan foydalanish borasida ham ustunlik biz tomonda bo'ldi. Jizzaxda qiynalgandik. Boisi maydonga shu kuni suv sepilmagandi. SHuningdek havo soat oltida ham issiq edi. Endi u mag'lubiyatga bahona bo'lolmaydi. Hamma ayb o'zimizda bo'ldi. "Bunyodkor"ga tezkor gol urishimizni kutmagandik. "Paxtakor" o'ziga yarashadigan birinchi o'ringa qaytishi kerak deb o'ylayman.
Ko'rgan bo'lsangiz "Bunyodkor" ham himoyaga yotib olmadi. To'pni nazorat qildi, hujumlar uyushtirdi. Biz shunchaki o'zimiz yaratgan vaziyatlarni gol bilan tugatdik, xolos. Hisob yiriklasha boshlagach o'yin nazorati ham jamoamiz tomonga o'ta boshladi. Endi mehmonlarda ham goldan so'ng oldinga o'tishdan boshqa chora qolmagandi. SHuning uchun himoyasi buzilib ketdi",- deydi Anzur Ismoilov.
Bosh sahifaga
176