Uchrashuv davomida tengma-teng kurash olib borgan "Zomin" jamoasi yakunda alamli 0:2 hisobidagi mag'lubiyatga uchradi. Bahsdan so'ng jamoa bosh murabbiyi Jahongir Jiyamurodov fikrlarini bildirib o'tdi.
"Birinchi bo'limda harakatlarimiz o'xshadi. Raqibning hujumlariga turib bera oldik. Lekin, ikkinchi bo'limning 60-daqiqasidan so'ng toliqib qoldik va gol o'tkazib yubordik. "Oq-tepa" bizga qaraganda tayyorgarlikni ertaroq boshladi, o'rtoqlik uchrashuvlarida qatnashdi. Biz esa yig'ilganimizga 10 kun bo'ldi. Karantinda futbolchilar sport formalarini yo'qotishgan. O'yinga suniy qoplamali maydonda tayyorgarlik ko'rgandik. Bugun tabiiy maydonda o'ynashimizni kutmagandik. Ikkinchi taymning yarimidan so'ng futbolchilarda o'z kuchiga bo'lgan ishonch va ko'zlaridagi ishtiyoq yo'qoldi, qo'rqishdi. Ishonch etishmadi ularga. Bu xatolarni ko'rib chiqamiz va tahlil qilamiz. CHunki, chempionatda ham yana shu jamoa bilan o'ynaymiz. O'ylaymanki, Pro ligada maksimal natija qayd eta olamiz",- deydi Jahongir Jiyamurodov.
Bosh sahifaga
225