Kunning oxirgi bellashuvida Madridning "Real" klubi safarda, Kataloniyada "Espanol" ustidan g'alaba qozondi va chempionlik poygasida "Barselona"dan ikki ochkoga ilgarilab ketdi.
Zinedin Zidan shogirdlari hisobida endi 71 ochko bor, "Barselona" esa 69 ochkoga ega.
To'liq jadval va to'purarlar ro'yxati bilan ushbu havola orqali tanishishingiz mumkin.
Tur deyarli ortda qoldi, so'nggi bellashuvda "Xetafe" va "Real Sosedad" jamoalari o'zaro kuch sinashadilar.
ECHL yo'llanmalari uchun kurash ham hal qiluvchi pallasiga etib kelgandek. "Atletiko Madrid" odatiy o'rniga qaytishga erishdi va endi "matraschilar"ni quvib etish bugun o'z o'yinini o'tkazadigan jamoalar uchun ham, "Sevilya" va "Vilyarreal" uchun ham qiyin bo'ladi. To'rtinchi o'rin uchun kurash ham jiddiy tus olsa ajab emas.
SHubhasiz, bizni hali oldinda biri-biridan qiziqarli uchrashuvlar kutib turibdi.
Bosh sahifaga
184