Hal qiluvchi bahsda ayni paytda mamlakatning ikki eng kuchli klubi “Bunyodkor-W” va “Sevinch” jamoalari bahs yuritishdi.
Gollarga boy kechgan bahsning 7-daqiqasidayoq Umid Zoirova toshkentliklarni hisobda oldinga olib chiqqan bo'lsa, oradan bir daqiqa o'tar-o'tmas “Sevinch”ning yosh goleadori Nilufar Qudratova muvozanatni tikladi-1:1. SHundan keyin darvozalarga yana uchta gol kiritildi va barcha gollar “qaldirg'ochlar” vakilalari tomonidan urildi. Natijada yirik 4:1 hisobidagi g'alabaga erishgan “Bunyodkor-W” ikkinchi bor O'zbekiston Superkubogiga sazovor bo'ldi.