Mahoratli yarim himoyachi, ayni paytda "CHonnam Dragons" jamoasi azosi Oleg Zoteev 31 yoshni qarshi oldi.
Millionlar o'yinidagi ilk qadamlarni "Paxtakor" jamoasida tashlagan Zoteev proffessional futbolchi sifatida "Olmaliq"(hozirgi AGMK) jamoasidagi o'yinlari orqali tanildi. Igor SHkvirin qo'l ostida o'z o'yinini topdi va jamoaning muhim futbolchisiga aylandi. Qaysidir manoda Zoteevni SHkvirin kashf qildi desak mubolag'a bo'lmaydi. U olmaliqdagi faoliyati davomida olimpiya va milliy terma jamoaga chaqirildi. O'ng qanotdagi ishonchli harakatlari va tezkor reydlari Vadim Abramovning etiborini tortdi. Terma jamoada murabbiy o'zgarganiga qaramasdan muntazam ravishda taklif etilib bordi. 2013 yilda uning hayotida tub burilish yasaydigan voqea yuz berdi. Moliyaviy tomondan baquvvat bo'lgan, Mirjalol Qosimov boshqaruvidagi "Bunyodkor" jamoasiga ko'chib o'tdi.
"Qaldirg'ochlar" safida o'tkazgan ikki mavsumida u jami 50ga yaqin uchrashuvda maydonga tushdi va 10 bor raqiblar darvozasini ishg'ol qilishni uddasidan chiqdi. 2015 yilda "Lokomotiv" bosh murabbiyi Vadim Abramovning taklifiga ko'ra "temiryo'lchilar"ning futbolchisiga aylandi. Ushbu jamoadagi besh yillik faoliyati davomida O'zbekiston chempioni, kubogi va Superkubogida g'olib chiqdi. 2016 yil jamoa bilan birgalikda OCHL yarim final ostonasigacha etib bordi. Umuman olganda sermahsullik ko'rsata oldi deyishimiz mumkin. Joriy yilda faoliyatida birinchi marotaba legioner maqomini oldi va Janubiy Koreyaning "CHonnam Dragons" klubi bilan shartnoma imzoladi.
Saytimiz nomidan Oleg Zoteevga sog'lik va salomatlik, faoliyatida ulkan zafarlar tilab qolamiz!
Bosh sahifaga
198