O'zi borgan eng yaxshi joy haqida
Doha - Qatar poytaxti. SHu jumladan Dubay ham. Balki u er dunyodagi eng yaxshi joydir. O'ta zamonaviy, osmono'par va chiroyli binolar juda ko'p. "Paxtakor" bilan Osiyo chempionlar ligasi doirasida, undan tashqari, Olimpiya terma jamoasi bilan o'rtoqlik o'yinini o'tkazish uchun u joylarga borganman. Ammo men uchun eng zo'r joy baribir Toshkent bo'lib qoladi.
Eng yaxshi ko'rgan filmi
Kinosevar emasman. Uyda bo'sh vaqt bo'lganida futbol ko'raman. Umuman olganda fantastik kinolar ko'rib turaman. Masalan, Marvelni. Tom Kruz va Jonni Depp sevimli aktyorlarim.
Eng yaxshi ko'rgan ovqati. Bu erda katta ehtimol bilan osh nomi aytilsa kerak
Albatta. Osh va qo'y go'shtidan qilinadigan ovqatga bizning O'zbekistonda mayiz ham qo'shiladi. Eng ustiga qazi solinadi. Bu ovqatni esa pomidor va bodringdan qilingan salatsiz tanovul qilish qiyin. O'zbekistonda har payshanba osh qilish ananasi bor. Belarusda esa kartoshkadan shunday ovqat qilishadi.
Eng yaxshi ko'rgan qo'shig'i
O'zbek qo'shiqlarini eshitaman. SHoxruxxon, Munisa Rizaeva. Ular sevgi haqida kuylashadi. Arabcha qo'shiqlar ham eshitib turaman. "Energetik" kiyim almashtirish xonasida Ayk Musaxanyan francuzcha rep qo'shiqlarni qo'yib qo'yadi. Tushunmayman, lekin eshitaveraman.
Eng yaxshi ko'rgan bayrami haqida
Tug'ilgan kunim ham yangi yil ham emas. Yaqindagina o'tib ketgan Ramazon oyi. Qurbon Hayit ham. Bular musulmonlarning eng chiroyli bayramlaridir. Bahorning eng yaxshi bayrami Navro'zni ham qo'shib ketaman.
Eng yaxshi ko'rgan raqami
24. CHunki 24 iyunda tavallud topganman. SHuningdek, 7. Libosimga shu raqamni tanlaganman. 7, 9 va 10-raqamlar juda yoqadi. O'zbekistonda 9 va 22-raqamli liboslarda o'ynaganman.
Ertalab yoki kechki payt?
Kechki payt. Uxlashni yoqtiraman. Ertalabki 8.30da mashg'ulot qilish juda qiyin. Yarim yildan beri shu erdaman, shu sababli bunga o'rganib ham qoldim. O'zbekistonda esa mashg'ulotlar doimo kechki payt bo'ladi. CHunki kunduzi issiq odamni yondirib yuboraman deb turadi.
Uyda bo'lish yoki ko'chani sayr qilish?
50ga 50. Bu mashg'ulotdan charchashga bog'liq.
Yilda eng yaxshi ko'radigan payt
Yoz. CHunki juda issiq bo'ladi. CHo'milib, quyoshda qoraysa bo'ladi. Ko'chada futbolka, shortikda yuramiz. O'zbekistonda yozda havo harorati 50 gradusdan ham oshib ketadi.
Sevimli jamoa
"Barselona". Gvardiola davrida ushbu jamoaga etiborim oshgan. U "Barselona"ni o'zgacha uslubga olib o'tgan. Menimcha Messi ham aynan Gvardiola davrida shunday yulduz darajasiga etishgan.
Sevimli futbolchisi
Messi faqatgina mening eng yaxshi ko'rgan futbolchim emas. SHuningdek, "Manchester Siti" futbolchisi Riyad Maxrez ham "Borussiya" vingeri Jeydon Sanchoning ham o'yinlari yoqadi.
Sevimli sportchisi
Muhammad Ali. U odam sifatida ham barchaga namuna. U musulmon va aynan uning gaplaridan keyin ko'plab insonlar shu dinga o'tishmoqda.
O'zbekistondan tashqari sevimli terma jamoa
Ispaniya. So'nggi vaqtlarda terma oldingidek o'ynay olmayapti. Inesta va Xavi davrida menga shu terma yoqib qolgan. O'shanda Ispaniya ham Evropa ham jahon chempionligini qo'lga kiritgan. Bungacha Germaniya termasi yoqardi. Ularda uslub boshqacha. Tartib, sxema, maydondagi jarayon ham.
Hayratda qoldirgan stadion
Qatardagi "Al Sadd" stadioni. Ushbu mamlakatda havo harorati doimo issiq bo'lishini barcha yaxshi biladi. SHu sababli stadionning ichiga va har bir parametriga kondicionerlar o'rnatilgan. Maydonga chiqishingiz bilan sovuq havoni his qilasiz. Agarda futbolkaning o'zida yugurmay tursangiz, albatta sovqotib qolasiz! Sig'im esa unchalik katta emas - 15 ming muxlisga mo'ljallangan. Qatardagi ko'pchilik insonga futbol qiziq emas. Belarusda esa Minskdagi "Dinamo" va "Borisov-Arena" chiroyli.
O'zingiz qatnashgan eng yaxshi o'yin
2018 yili Marokash va Urugvay termasiga qarshi o'rtoqlik o'yini. Qanday futbolchilar bo'lgan-a! Urugvayga qarshi o'yinda Suares, Kavani va Godin Marokashda esa Hakimi, Bufal, Ziyech kabi super yulduzlar bo'lgandi. Senegalga qarshi o'yinda esa Mane zaxirada qoldirilgandi.
Sevimli ibora
Hech qachon taslim bo'lmang. Qiyin onlar hammada bo'ladi. Buni engib o'tib, oldinga intilish kerak. Har kun, har daqiqada nimalarga qodir ekanligingni isbotlab borish kerak. Nimani istasang, shunga erishishing shart.
Bosh sahifaga
262