Farhod Bekmurotov: “Hisob yanada yirik ko'rinish olishi ham mumkin edi”
/ Kiritdi: BestMaster O'qilgan: 700
Kecha Jizzaxda bo'lib o'tgan “Zomin” – “Andijon” uchrashuvidan so'ng mehmonlarning iqtidorli futbolchisi Farhod Bekmurotov o'yin haqida qisqacha o'z fikrlarini bildirib o'tdi.
- Bu o'yinga jiddiy tayyorgarlik ko'rgandik. CHunki raqib ham o'z muxlislari qarshisida ularni xursand qilish uchun astoydil o'ynashlari aniq edi. Lekin “Andijon” Jizzaxga faqata g'alaba uchun kelgandi. Ketma-ket ikki mag'lubiyatdan so'ng yutqazishga haqqimiz yo'q edi. Buni barcha futbolchi yaxshi tushunib turgandi. Qolaversa murabbiyimiz ham keyingi bosqich yo'llanmasini qo'lga kiritishimiz zarurligini uqtirdi.
- Birinchi liga jamoalari bilan o'ynash elita vakillariga doimo qiyin bo'lgan. Xudoga shukur, niyatimizga etdik. Endi “Qizilqum” bilan o'yinga ham astoydil tayyorgarlik ko'ramiz. Keyingi maqsadimiz ¼ final bosqichiga chiqish.
- “Zomin”ni tajriba va omad evaziga mag'lubiyatga uchratdik deb o'ylayman. Omadimiz kelib ikkita gol urdik. Lekin vaziyatlardan to'liq foydalana olganimizda, hisob bundan-da yirik ko'rinish olishi ham hech gap emasdi, - deydi futbolchi.
Bosh sahifaga
253
1 May 2021, 11:35