Bugun klub rasmiy saytida bu haqida aniq malumot berildi.
"9 iyul kuni jamoamiz azosining harorati ko'tarilishi natijasida uning virus yuqtirib olgan-olmaganligi bo'yicha savollar paydo bo'ldi. SHu bois harorati ko'tarilgan futbolchimiz alohida tartibda nazoratga olindi, shuningdek, nafaqat u balki jamoamizning boshqa o'yinchilari ham tegishli tartibda test topshirdi.
«Bunyodkor» bugun Coca Cola Superliganing 9-tur doirasidagi uchrashuvni o'tkazish uchun Buxoroga jo'nab ketishi kerak edi. Malumki, Respublika Maxsus komissiyasining qaroriga ko'ra, mamlakatimiz bo'ylab harakat qiluvchi temiryo'l va aviaqatnovlar to'xtatilgan. SHuning uchun jamoamiz Buxoroga avtobusda yo'l olishni rejalashtirgandi. Biroq jamoamiz rahbariyati hamda murabbiylar shtabi futbolchilarimiz topshirgan test natijalarining javobi malum bo'lguniga qadar tavakkal qilishni istamadi va O'zbekiston Professional futbol ligasiga murojaat bilan chiqib, «Bunyodkor» - «Buxoro» uchrashuvini boshqa muddatga ko'chirilishini so'radi. O'z navbatida PFL jamoamiz murojaatiga ijobiy javob qaytarib, o'yin boshqa muddatda bo'lib o'tishini tasdiqladi.
Bugun «Bunyodkor» o'quv mashg'ulot bazasiga Toshkent shahar CHilonzor tumani Sanitariya-epidemiologik osoyishtalik agentligining infekcionist shifokorlari tashrif buyurib, alohida tartibda nazoratda bo'lib turgan futbolchimizni yana bir bor ko'rikdan o'tkazishdi. Kuzatuv natijalariga ko'ra, o'yinchimizning bugungi holati barqaror, xavotir oladigan jihat yo'q. Mutaxassislarning fikriga ko'ra, futbolchimiz 4-5 kunda o'zining avvalgi holatiga qaytadi.
Takidlaganimizdek, jamoamizning barcha futbolchilari virus uchun test namunalarini topshirgan. 1-2 kun ichida natijalar malum bo'ladi. Natijalar biz uchun ijobiy bo'ladi, degan umiddamiz. SHunday bo'lsa Superliganing 10-turidan o'rin olgan «Bunyodkor» - «Metallurg» uchrashuvi o'z vaqtida o'tkaziladi",- deya xabar beradi "Bunyodkor" matbuot xizmati.
Bosh sahifaga
242