2004 yil Xitoydagi Osiyo kubogi terma jamoamiz tarixidagi eng ahamiyatli turnir sifatida tilga olinadi. Avvalgi ikkita Osiyo kubogida o'z ishtirokini guruh bosqichidayoq yakunlagan bo'lsa, chin yurtidagi musobaqada esa ilk bor guruhdan chiqish masalasini ijobiy hal qilgandik. Birinchi turda Mirjalol Qosimovning jarima zarbasidan urgan yagona goli evaziga mag'lub etgan vakillarimiz ikkinchi turda juda kuchli bo'lgan Saudiya Arabistoni bilan to'qnash kelishadi. Bilsangiz, bundan oldingi yani Livanda bo'lib o'tgan qita kubogida ham ular bilan yo'llarimiz kesishgan, o'shanda bo'sh harakat qilgan terma jamoamiz 0:5 hisobida engilishgandi. Bir xatoni ikkinchi marotaba takrorlamaslik uchun Ravshan Haydarov o'z shogirdlarini munosib tayyorlagandi. Futbolimiz ham yangi darajaga ko'tarilayotgan, terma jamoamizda xorijlik mutaxassislarning havosi kezib yurardi.
Takidlash joizki Osiyo kubogida bosh murabbiy Ravshan Haydarovga germaniyalik Yurgen Gyode hamrohlik qilgandi. Saudiyaliklarga qarshi to'g'ri uslub tanlagan va tartibli o'yinni tanlagan terma jamoamiz Aleksandr Geynrixning yagona goli evaziga 1:0 hisobida g'alabani tantana qiladi. Sashaning goli esa hamyurtlarimizga muddatidan oldin keyingi bosqchi yo'llanmasini taqdim qiladi.
Osiyo kubogi-2004
O'zbekiston 1-0 Saudiya Arabistoni
Gol: Aleksandr Geynrix, 11.
O'zbekiston: E. Safoov, M. Qosimov (I. Inomov, 64), A. Fyodorov, A. Aliqulov, N. SHirshov, S. Jeparov, T. Kapadze, A. Akopyanc, A. Geynrix (M. Bikmaev, 78), A. Soliev (I. Zeytullaev, 60), V. SHishelov
Zaxira: A. Polyakov, L. Koshelev, I. Nesterov, SH. Raimqulov, Z. Xolmurodov, I. Magdeev
Bosh murabbiy: Ravshan Haydarov.
Bosh sahifaga
239