"Zenit" hujumchisi Serdar Azmun ushbu mavsumning eng yaxshi to'purariga aylandi.
Eronlik futbolchi jami 17 ta gol urgan (1 tasi penalti). Uning jamoadoshi Artyom Dzyuba hisobida ham xuddi shuncha gol bor, ammo rossiyalik forvard gollarining 7 tasini penaltidan kiritgan.
SHu tufayli Azmun faoliyati davomida birinchi bor RPLning eng yaxshi to'purari deb topildi.
Bombardirlar poygasida 3-pog'onani "Arsenal" (Tula) hujumchisi Evgeniy Lucenko band qildi, u 28 o'yinda 15 ta gol urishni uddasidan chiqqan. Hamyurtimiz Eldor SHomurodov esa 11 gol bilan to'purarlar ro'yxatida 7-o'rinni egalladi. Undan oldingi o'rinlarda 12 tadan gol bilan Aleksandr Sobolev, Aleksey Miranchuk va Nikola Vlashichlar ham bor.
Eslatib o'tamiz, Eldor RPLdagi so'nggi golini 29 fevral kuni kiritgandi. SHundan keyin qatorasiga 8 o'yinda maydonni golsiz tark etdi.
Bosh sahifaga
158