Sanjar Tursunov: "Babayanga meni va menga murabbiyning etirozi yo'q"

"Filippinga qarshi o'yinga juda jiddiy tayyorgarlik ko'rdik. Xudo xohlasa maqsadimiz faqat bitta - g'alaba! Bu uchrashuvda g'alabadan boshqa natija bizlarni qoniqtirmaydi. SHu bois faqat uch ochkoni qo'lga kiritish uchun o'ynaymiz. Nega tarkibdan chetda qolayotganimga keladigan bo'lsak, barcha murabbiyning o'z taktikasi bo'ladi. Balki Babayanning taktikasiga hozircha tusholmayotgandirman. Men uchun eng muhimi jamoamizning g'alabasi. O'zbekiston terma jamoasi JCHga chiqsa bo'lgani. Buning uchun zaxirada o'tirishga ham roziman. Murabbiyning mening o'yinim bo'yicha hech qanday etirozi yo'q. Babayan mashg'ulotlardagi harakatlarimdan qoniqmoqda. Maydonga tushmayotganim hozirgi taktika bilan ko'proq bog'liq. Babayanning menga etirozi yoki meni unga hech qanday etirozim yo'q. Filippin va Bahraynga qarshi o'yinlar qiyin bo'ladi. CHunki bu ikkala jamoa himoyadan o'ynaydi. Asosan himoyalanadigan jamoalarga qarshi o'ynash doimo mashaqqatli bo'ladi", - dedi Sanjar Tursunov.