Gorodeya - Energetik-BGU 1:1
22:00 Gorodeya, Stadion "Gorodeya"
Gol: Senkevich (63), Sovpel (68).
Gorodeya – Dovgyallo, Ignatenko, Garabaev, SHestilovskiy, Yaskovich (Volovich, 12), Saichich, Bayduk, Pushnyakov, Volovik, Senkevich, Kozel.
Energetik-BGU – Lesko, Sokol, Miroshnikov, SHkurdyuk, Osnov (Mavatu, 46), Bakich, Nosko, Girs, Umarov, Bashilov, Musaxanyan (Sovpel, 46).
Ogohlantirish: Garabaev (25), Osnov (42), SHestilovskiy (43), Nosko (44).
YANGILASH
68. GOOOOOOOOOOOOLLLL!! Umarovning jarimadan tepgan to'pidan keyin rikoshetlar seriyasi orqali to'p Sovpelga borib tushdi. Vasiliy esa gol urishda qiynalmadi.
67. UXXXXXXXXXXX!!! Saychichning boshi bilan bergan zarbasidan keyin to'p Leskoning ustidan darvoza ustuniga tegib, chiziq ustiga tushdi. Lesko to'pni urib yubordi. Hisob 2:0 ko'rinishga kelishi mumkin edi.
66. ZARBAAAAA!!! Umarovning boshi bilan yo'llagan zarbasidan keyin Dovgyallo super seyv namoyish qildi. Bakich esa to'pni darvozabonga berib qo'ydi. Yana bir vaziyat ko'kka sovurildi.
63. GOL! Lesko to'pni qaytarishda xatolikka yo'l qo'ydi. Natijada bo'sh qolgan darvozani ishg'ol qilishda Senkevich qiynalmadi.
62. Saychich baland sakrab noqulay holatda Lesko darvozasi tomon zarba yo'lladi. Noaniq.
60. Malumot o'rnida. BGUning so'nggi g'alabasi BATE maydonida qo'lga kiritildi. SHundan keyingi 3 o'yinda faqatgina mag'lubiyat qayd etilmoqda. "Gorodeya" turnir jadvalida 13, BGU esa 6-o'rinda bormoqda.
59. ZARBAAAAA!! Umarovning yaqin burchakka yo'llagan zarbasini Dovgyallo qaytardi!
56. BAKIIICHCHCH!! Bir raqibini oyoqlari orasidan to'pni olib o'tib, zarba poziciyasiga kirib kelayotgandi. Kichik laxza zarbaga etmay qoldi.
54. ZARBAAAAAAA!! Saychichning jarimadan yo'llagan xavfli zarbasini Lesko qaytardi!
53. Jarima maydonchasi yonginasida Miroshnikov raqibini yiqitgani uchun jarima zarbasi belgilandi. Saychich to'p oldida. Juda havfli standart.
52. ZARBAAAAAAA!! Burchakdan uzatilgan to'pga Kozel boshi bilan biroz noaniq zarba yo'lladi.
51. Saychichining bu safargi zarbasi Noskoga tegib, burchakka chiqib ketdi.
49. Umarovning zarbasi raqibiga tegib, maydonni tark etdi.
48. UXXXXX!! Qanotdan uzatilgan to'p bir himoyachiga, keyin ikkinchi himoyachiga tegib, kutilmaganda darvoza to'siniga tegib, burchakka chiqib ketdi.
47. Bakich qulay nuqtaga chiqib, zarba bermoqchi edi. Biroq u offsaydda qolib ketgandi.
46. Ikkinchi bo'lim boshlandi!
- "Gorodeya" stadioniga qaytamiz. Jamoalar stadionga chiqib kelishgan.
Birinchi bo'lim yakunlandi. Juda asabiy o'tdi. Umid qilamizki, 2-bo'limda BGU bo'sh qolgan darvozaga gol ura oladi.
45+1. Nima balo bo'lyapti. Jin urmaganmi. Umarovning to'p uzatishidan keyin Nosko qulay holatda darvozaga zarba yo'llay olmadi.
1 daqiqa qo'shib berildi.
44. Umarov 30 metrlardan jarimadan zarba yo'lladi. Dovgyalo to'pni ushlab oldi.
43. Umarov yiqitildi. BGUda standart vaziyat.
40. EXXXX!! Bakichning qanotdan uzatgan to'pini bo'sh darvozaga joylab qo'yish uchun Osnov etib kela olmadi.
38. UXXXXX!! Mo'jiza BGUni goldan qutqarib qoldi. Burchakdan uzatilgan to'pga Ignatenko boshi bilan zarba yo'lladi. To'p Leskoning oyog'iga tegib, o'yinga qaytdi. Uxxx! Qaynoq nuqta bo'lishi mumkin edi.
34. Lesko darvozasi tomon ilk zarba. Noskoning himoyadagi xatosidan keyin Saychich ohista zarba yo'lladi. Lesko qiynalmadi.
32. MIRSHONIKOOOOOVVVV!! Jarimadan uzatilgan to'p Saychichga borib tushdi. Darvoza bilan farq bir metr edi. Agarda Miroshnikov to'pni qaytarmaganida gol bo'lishi katta ehtimol...
31. Nosko hujumga o'tib ketayotgan Senkevichni yiqitdi. Mezbonlarda standart.
29. Tashabbus hali ham BGU tomonida. Gol kerak yigitlar.
26. ZARBAAAAAAA!!! UMAROOOVVVV!!! Pasdan keyin hamyurtimiz raqibidan qochib ketdi va noqulay nuqtadan zarba yo'lladi. To'p darvoza to'rining tashqi tomoniga tegdi.
23. UXXXXXX!!! Umarov to'pni shunday oshiryaptiki, bo'sh qolgan darvoza ishg'ol qilinmayapti. Faqatgina SHaxboz jon kuydirmoqda jamoa uchun... Hech qisi yo'q.
21. Umarov darvoza yaqiniga to'pni uzatgandi. Himoyachi to'pni qaytardi. Umarov Bakichga yaqinroqqa ochil deb baqirdi. To'g'risiyamda, Inesta ham bu pallada to'pni Bakichga etkazib bera olmasdi.
20. EXXX!! Umarooovvvv!! Ikki raqibini "laycha" qilib tashladi. Istaganicha aldadi, biroq zarbagacha olib bormadi.
18. BGUda burchak zarbasi. Umuman olganda jamoa yaxshi o'ynayapti.
16. SHarhlovchi: "Yaxshibaev ushel, komanda priexal"... No comment.
15. Sokol BGU jarima maydonchasi ichida Kozelni yiqitgandek ko'rindi. Hakam qo'llari bilan "Yo'q, penalti" deb ko'rsatdi.
12. Tezkor o'zgarish. Jarohatlangan Yaskovich o'rniga Volovich maydonga tushdi.
11. Umarov Zaychichni yiqitdi. Ungacha BGU yaxshi hujum tashkil qilayotgandi.
8. SHkurdyukning chiroyli pasini Umarov to'g'ri to'xtata olganida u raqib posboni bilan birga bir holatga chiqib ketardi.
6. UXXXXX!! Juda xavfli vaziyat, no'noq yakun. Pushnyakov ikki raqibini aldab o'tib, 15 metrlardan zarba berdi. To'p autga ketdi.
4. Umarovning burchakdan uzatgan to'pini himoyachilar qaytarib yuborishdi.
1. ZARBAAAAAAAAA!! 40-soniyadayoq hisob ochilishi mumkin edi. Umarovning o'ng qanotdan uzatgan pasiga Bakich boshi bilan zarba yo'lladi. Darvozabondan super seyv!
1. UCHRASHUV BOSHLANDI!
- Stadion uzra Belarus davlati madxiyasi yangramoqda.
- Demak jamoalar maydonga chiqib kelishmoqda.
- Assalomu alaykum hurmatli futbol muxlislari. Barchangizni "Gorodeya" stadioniga taklif etamiz. Bugun ushbu stadionda hamyurtimiz SHaxboz Umarov harakat qilayotgan "Energetik-BGU" mehmon bo'ladi. Uchrashuvni sizlar bilan Mirjalol Normatov kuzatib boradi.
Bosh sahifaga
301