SHerzod Fayziev: "Lokomotiv" faqat g'alaba uchun o'ynaydi"

"Temiryo'lchilar" mazkur bosqichdagi dastlabki uchrashuvni "O'z-Dong Ju" klubiga qarshi o'tkazishadi. Jamoa safarga yo'l olishidan oldin "Lokomotiv" tarkibiga shu yil kelib qo'shilgan himoyachi SHerzod Fayzievdan intervyu oldik.

- SHerzod, “O'z-Dong Ju” bilan kechadigan bahs oldidan fikringiz?
- Bu o'yinga tayyorgarlik yaxshi kechdi. Jamoamiz jismonan va ruhan uyinga tayyor. Hamma o'yinlarda bo'lgani kabi "Lokomotiv" bu uchrashuvda ham faqat g'alaba uchun uynaydi.

- "Lokomotiv" oldiga Kubokda qanday vazifa qo'yilgan?
- Bizning maqsadimiz faqat g'alaba hamda Kubokni qo'lga kiritish. Buning uchun oxirigacha harakat qilamiz.

- Malumki, "temiryo'lchilar"ning bir qator o'yinchilari milliy terma jamoaga jalb etilgan. Nima deb o'ylaysiz, ularning yo'qligi o'yinga tasir qilmaydimi?
- Menimcha tasir qilmaydi. CHunki biz bir jamoamiz va bizda birinchi tarkib, ikkinchi tarkib degan tushuncha yo'q. Hozir ham safimizda bir necha yil davomida terma jamoada o'ynagan tajribali futbolchilar bor.