Ushbu mavsumda francuz 23 gol urgan bo'lsa, angliyalik 22 marta raqiblari postiga yo'l topdi.
"Ularning o'rtasida hech qanday musobaqa yo'q. Ko'rib turibsiz, Antoni va Markus gol urishi uchun bir-biriga sharoit yaratib bermoqda.
Futbolchilar o'zaro kim o'zarga o'ynamasligi kerak deb hisoblayman. CHunki maqsadimiz bir - o'yinda g'alaba qozonish. Agarda futbolchilar o'zlarini, individual sovrinlarni o'ylasa, murabbiyning jamoaga keragi bo'lmaydi. Barchasi oddiy.
Menga egoistlar kerak emas. Futbolchi boshqalardan ko'proq gol urishni o'ylamasligi shart. Jamoa g'alabaga erishayotgan paytda uning 15 yoki 30ta gol urgani hech qanday ahamiyat kasb etmaydi. U bu orqali faqatgina o'zini mashhur qilishi mumkin.
Van Nistelroy gollarga chanqoq bo'lgan. 4:0 hisobida yutayotgan paytimizda u gol urish haqida o'ylamasdi. CHunki u jamoaviy futbolchi bo'lgan. Ruud biror marta ham darvozaga tepilishi kerak bo'lmagan paytda zarba bermasdi va asosan pas o'ynardi", - dedi Sulsher.
Bosh sahifaga
206