- Derbi uchun noodatiy hisob bo'ldi. Bugungi o'yin "Bavariya" - "Barselona" bahsiga o'xshab ketdi. Yigitlar uchun xursandman. Qiyin davrdan o'tib oldik. Yaxshi o'ynadik va bahsni nazorat qildik. Beshta almashtirish amalga oshirganda o'yin suratini birdek saqlash qiyin, lekin biz buni uddaladik. "Nasaf" bilan ham, bugun ham shunday bo'ldi. Zaxiradan tushgan futbolchilar o'zlarini ko'rsatishdi. Ularning shunday yaxshi ishlayotganidan baxtiyorman. Bu bahs derbi tarixidan o'rin oladi deb o'ylayman. "Lokomotiv"ga bunday qiyin holatdan tezroq chiqib olishlarini tilayman, - deydi SHota Arveladze.
- Sentyabr oyida O'zbekiston terma jamoasi yig'in o'tkazadi. 3 sentyabr kuni Tojikiston bilan o'rtoqlik o'yini bor. "Paxtakor" esa 1 va 5 sentyabr kunlari o'yin o'tkazadi. Keyin Qatarga uchib ketadi. Terma jamoaga futbolchilarni qo'yib yuborasizmi?
- Avvalo terma jamoaga futbolchini qo'yib yubormaslikka haqqim yo'q. Bundan tashqari futbolchilar ham terma jamoada o'ynashni istashadi. Umid qilamanki, bizning chempionat o'yinlari hamda CHempionlar Ligasi oldidan maqul holat topiladi.
- Tomas Myuller intervyu berib bosh murabbiy tanaffus vaqtida futbolchilarga 6tadan ko'p gol urmanglar deganini aytdi. Siz ham futbolchilarga shunday dedingizmi?
- Bunday intervyuni ko'rmadim. Natija qanday bo'lishidan qati nazar muxlislar uchun o'ynashda davom etamiz. Raqib, muxlislar hamda o'z jamoangni hurmat qilish lozim. Futbolchilar o'z imkoniyatlarini oxirigacha namoyish etishlari lozim.
- Sentyabr oyida juda tig'iz taqvim va OCHL bahslari kutmoqda...
- To'g'ri juda ham og'ir taqvim bizni kutmoqda. Biz 5 haftani yo'qotdik va bu davrda davolandik. Raqiblarimiz esa chempionatda o'yinlar o'tkazishdi. Lekin bizda OCHLda 6 ochko bor. Birinchi navbatda guruhdan chiqishimiz shart. Keyin nasib bo'lsa navbatdagi bahslar haqida bosh qotiramiz.
Bosh sahifaga
157