O'yin haqida
"O'yinga astoydil tayyorganlik ko'rgandik. Murabbiyimiz CHempionlar Ligasiga tayyor holatda etib borish uchun bizdan xushyorlikni yo'qotmagan holda o'ynashni talab qilmoqda. Hozir ichki chempionat orqali CHempionlar Ligasiga tayyorgarlik ko'ryapmiz.
Karantindan keyin deyarli barcha o'yinda 90 daqiqa o'ynayapsiz. Bu sizga jismoniy tarafdan salbiy tasir ko'rsatmayaptimi?
- Birinchi karantindan oldin jarohat olgandim va o'sha oyoqda to'p tepishimga to'g'ri kelgandi. Ikkinchi karantin davri jarohatdagi futbolchilar uchun foydali bo'ldi deb o'ylayman. SHaxsan o'zim haqimda to'xtaladigan bo'lsam, jarohatdan tiklanib oldim. Ikkinchi karantindan oldin to'liq o'ynashni o'z oldimga maqsad qilib qo'ygandim, CHempionlar Ligasida 90 daqiqa o'ynashga to'g'ri keladi va har doim shay holatda bo'lishimiz kerak. SHu bois doimo to'liq vaqt harakatlanishga intilaman va buni yoqtiraman.
Yaqinda terma jamoaning yig'ini bo'lib o'tadi. Undan so'ng, "Paxtakor"ning ketma-ket o'yinlari va CHL bahslari o'tkaziladi. Terma jamoadan chaqiruv bo'lsa, borasizmi yoki "Paxtakor"da qolasizmi?
- Avvalo, terma jamoa degan bo'lardim. Bolalikdan shuni orzu qilganmiz, xoh u o'rtoqlik o'yini o'lsin, xoh rasmiy. CHunki oliy maqsadimiz Jahon chempionatiga chiqish. Terma jamoa yig'iniga borish masalasini klub va termamiz murabbiyi hal etadi.
Qachon Jaloliddin Masharipovni legioner sifatida ko'ramiz?
- Albatta, buni o'zim ham rosa xohlayman. Lekin oshkor etib bo'lmaydigan ayrim sabablarga ko'ra bu amalga oshmagan. Xudo xohlasa oz qoldi deb o'ylayman, bundan tashqari, oldinda CHL musobaqasi kutib turibdi. O'z oldimga qo'ygan katta maqsadlarim bor. Odamlar o'ylashi mumkin, 26 yoki 27 yoshga to'ldi, deb. Biroq shunday futbolchilar borki, 30 yoshdan o'tgandan so'ng, o'yini ochilib ketgan. Xudo xohlasa mehnat qilishdan to'xtamayman va legioner bo'lib o'ynashga intilaman, lekin yoshligimdan "Paxtakor" nonini eb, shu erda katta bo'ldim va eshikni qattiq yopib, tashlab ketolmayman.
Malumki, 2017-yilda "Lokomotiv"da o'ynagansiz. Futbolchi sifatida o'sdingizmi?
Hozirda futbolchi sifatida o'sdim, albatta. O'sha paytda ko'p narsani yoshi katta futbolchilardan o'rganganman. Ayniqsa, Timur Kapadze mendan o'z masalahatlarini ayamagan va yordam bergan. O'shanda meni qo'llab-quvvatlagan "Lokomotiv" rahbariyati, murabbiylari va futbolchilariga rahmat.
Bosh sahifaga
344