Bunda ishtirok etgan AGMK bosh murabbiyi Mirjalol Qosimov quyidagi fikrlarni bildirdi.
- Ikkita bir-biriga munosib jamoa kurash olib bordi. Birinchi taymda "Navbahor" yaxshi o'yin ko'rsatdi va ikkinchi bo'limda biz kuchliroq harakat qildik. Natijada bahs 1:1 hisobida yakun topdi. O'ylaymanki, o'yin ko'pchilikka yoqdi. Fursatdan foydalanib yigitlarga minnatdorchilik bildiraman, chunki futbolchilarimiz oxirigacha kurash olib borishdi. Vaholanki yutqazib qo'yishimiz ham mumkin edi. Endi keyingi o'yinga tayyorgarlik ko'ramiz.
- Oxirgi uchta turdan beri negadir AGMKning birinchi bo'limda o'yini chiqmayotgandek?
- "Lokomotiv" bilan kechgan bahsda har ikki bo'limda yaxshi harakat qildik deb o'ylayman. Endi o'yin bilan o'yinning farqi bor. Masalan, ECHL finalida "Bavariya"ning ham birinchi taymda o'yini qovushmadi, PSJ yutib ketishi ham mumkin edi. Bugungi bahsda ikkinchi taymdagi harakatlarimiz yaxshi chiqdi. Qolaversa taktikamiz ham ish berdi.
- 1:1 natijasini sensaciya desa bo'ladimi?
- Bunday demagan bo'lardim. Aytib o'tganimdek, ikkita bir-biriga mos jamoa kurash olib bordi. Futbol shunisi bilan qiziq. Goh yutishing, goh yutqazib qo'yishing mumkin. Bugun esa durang qayd etildi. To'g'ri, bugun raqib safida G'ofurov, G'ulomov kabi futbolchilar o'ynamadi, lekin "Navbahor" tarkibi baribir kuchli edi.
- Akmal SHorahmedov maydonga tushmagani sababi nimada?
- Qisqa fursat ichida o'yinlar o'tkazyapmiz, buning natijasida tarkibda rotaciya amalga oshyapti. SHu bois bugun SHorahmedovga dam berdik. Qolaversa ko'p futbolchilarimiz kasal bo'lib tuzalishdi ham. Safimizda 11-12 nafar futbolchi kasal bo'lib qoldi. SHu bois ko'pchilik hali 90 daqiqaga tayyor emas.
Bosh sahifaga
138