Uchta turda jami 12 ta o'yin o'tkazildi. O'yinlarning 10 tasida mezbonlar, bittasida mehmonlar g'alaba qozondi. Faqat bitta o'yinda durang natija qayd etildi.
12 ta o'yinda jami 35 ta gol urildi. Har bir o'yinga o'rtacha 2.91 tadan gol to'g'ri keladi. Gollarning 28 tasi mezbonlar, 7 tasi mehmonlar hisobiga yozilgan. Bir o'yinda eng ko'p gol 3-turdagi "SHo'rtan" -"Turon" (3:2) o'yinida kiritilgan, eng kam gol esa 1-turdagi "Neftchi" - "Dinamo" (1:0) va 2-turdagi "Turon" - "Oqtepa" (1:0) o'yinlarida kiritilgan.
Jami 35 ta gollarning 12 tasi birinchi taymda, 23 tasi esa ikkinchi taymda urilgan. Beshta gol penaltidan urilgan.
Turdan turga gollar soni o'sib borayapti. Birinchi turda 10 ta, ikkinchi turda 11 ta, uchinchi turda esa 14 ta gol kiritildi.
Eng tezkor gol uchinchi turda "SHo'rtan" futbolchisi Bekzod Suyunov tomonidan Turon darvozasiga o'yinning 4- daqiqasida urilgan.
Bitta xet-trik qayd etildi. "Zomin" hujumchisi Eldor Karimov "SHo'rtan" bilan o'yinda uch marta gol urishga erishdi.
Uchta avtogol qayd etildi. Eng qizig'i har uchchala avtogol ham "Istiqlol" jamoasining raqiblari hisobiga yozildi. Ikkinchi turdagi "Dinamo" - "Istiqlol" o'yinida "Dinamo" futbolchilari Amirjon Safarov va Avaz Agaliev, uchinchi turdagi "Istiqlol" - "Zomin" o'yinida esa "Zomin" futbolchisi Javohir Komilov o'z darvozasiga gol urib "Istiqlol"ga yordam berib yuborgan.
Uchta turdan so'ng "Turon" va "SHo'rtan" jamoalari eng ko'p oltitadan raqiblar darvozasiga gol urgan bo'lsa, "Xorazm" jamoasi eng kam, atigi bitta gol urdi xolos. "Neftchi" jamoasi eng kam, bitta gol o'tkazib yubordi, "Xorazm" esa eng ko'p to'qqizta gol o'tkazib yubordi. Faqatgina "Neftchi" umuman mag'lubiyatga uchramadi, "Xorazm" esa har uchala o'yinda ham yutqazdi.
Farhodjon Uzoqov tayyorladi
Bosh sahifaga
205