O'yinda "Paxtakor" yarim himoyachisi Dragan CHeran qo'liga uzuk taqqan holda maydonga tushganini quyidagi rasmda ko'rish mumkin. To'g'ri futbolchi uchrashuv boshida uzuk ustiga maxsus lenta o'rab chiqqan, o'yin davomida lenta tushib ketgan.
Xo'sh, futbol qoidalari nima deydi?
04.Futbolchilarning Ekipirovkasi
1.Xavfsizlik
Futbolchi xavf tug'diradigan ekipirovkadan foydalanmasligi yoki xavfli narsa kiymasligi kerak.
Istalgan qimmatbaho (taqinchoq, uzuk, bilaguzuk, zirak, charm yoki rezina lenta va boshqalar) buyumlar taqiqlangan va ular echilishi shart. Ularni yopish uchun lentalardan foydalanish mumkin emas.
Futbolchilarni o'yin boshlangunigacha tekshirib chiqish kerak. Zaxiradan tushayotganlar esa maydonga tushishdan oldin tekshiriladi. Agar futbolchi taqiqlangan/xavfli ekipirovkani yoki qimmatbaho buyumlarni kiysa yoki undan foydalansa, hakam futbolchiga quyidagi ko'rsatmani berishi kerak:
• bu narsani echish
• agar talabni bajara olmasa yoki bajarishni xohlamasa o'yindagi keyingi to'xtalish vaqtida maydonni tark etishi
Talabni bajarishga qarshi chiqqan yoki o'sha narsani qayta kiygan futbolchi ogohlantirilishi kerak.
Hakamlar ko'rmay qolgandir deyishga shoshilmang. Dragan CHeran "Lokomotiv" bilan o'yinda ham, "Andijon" bilan o'yinda ham maydonga uzuk taqqan holda maydonga tushgan. Balki undan oldingi o'yinlarda ham shunday bo'lgandir.
Dragan CHeran ko'p gol urayotgani uchun hakamlar uzuk bilan maydonga tushishiga ruxsat berishganmikin? Yoki boshqa sabab bormikin? Kichkinagina uzuk haqida maqola yozguncha foydali malumotlar beringlar deyishingiz mumkin, bizning maqsadimiz bitta: Qoidalar qog'ozda qolib ketmasin!
Bosh sahifaga
186