Bugun “B” guruhi yarim finalchilari “Qamashi” hamda “G'uzor - 2020” jamoalari o'rtasida uchrashuv o'tkazilishi rejalashtirilgan edi. Ammo har ikkala jamoadan ayrim futbolchilar davlat test imtihonlari topshirishi munosabati bilan, ikkala jamoaning o'zaro kelishuviga muvofiq, o'yin 16 sentyabr kuniga ko'chirildi. Ushbu uchrashuv Yakkabog' tumani markazidagi o'yingohda bo'lib o'tadi.
“A” guruhi yarim finalchilari “Nasaf U-18” va “Mashal U-18” jamoalari o'rtasidagi uchrashuv esa belgilangan kun, ertaga 14 sentyabr dushanba kuni o'tkaziladi. Mazkur uchrashuv “Sputnik” qo'rg'onidagi “Mehnatchi” stadionida bo'ladi.
Bunda “Nasaf U-18” jamoasi nominal maydon egasi sifatida maydonga tushadi.