Yarim himoyachi Tiago Alkanatara "Bavariya"dan "Liverpul"ga o'tishi haqida fikr bildirdi.
“Yillar o'taveradi, siz iloji boricha ko'proq g'alaba qozonishga intilasiz – buni amalga oshirganingizda, yanada ko'prog'ini xohlaysiz. O'ylaymanki, bu klub menga mos. Men barcha maqsadlarga erishishni, iloji boricha ko'proq sovrinlarni yutishni xohlayman.
Klub ichida menga kerak bo'lgan oilaviy muhit bor, chunki biz (futbolchilar) klub bilan yaqin munosabatda bo'lishni yaxshi ko'ramiz. O'ylashimcha, bu tuyg'uni boshdan kechiraman.
Imkon qadar tezroq moslashishim kerak. Vaqt juda oz, biz sal kechroq harakatni boshladik, ammo bu futbol. Bizda mavjud bo'lgan barcha yaxshi narsalarni aralashtirishimiz kerak deb o'ylayman. Jamoaga himoyada, hujumda, shuningdek, psixologik jihatdan yordam beraman.
Muxlislar mendan kam hayajonlanishmayapti! Barchasini gapda emas, balki amalda ko'rsatishim lozim. Maydonda jamoadoshlarim, klubim va muxlislarimga yuragimni bag'ishlayman", – dedi Tiago.
Bosh sahifaga
263