Muhammad Abdulloh Hassan O'zbekistonning qaysi o'yinlarida ishlagan?

2016-03-29 13:20:01 / Kiritdi: BestMaster O'qilgan: 1089

Xabaringiz bor, O'zbekiston va Bahrayn o'rtasidagi uchrashuvni BAAlik Muhammad Abdulloh Hassan Muhammad boshchiligidagi hakamlar ishlashadi.

Ushbu hakam O'zbekistonning turli yoshdagi terma jamoalari ishtirokidagi o'yinlarda uch marta faoliyat yuritgan.

2011 yilgi U-19 Osiyo CHempionati saralashi doirasidagi Pokistonga qarshi o'yinda vakillarimiz 3:0 hisobida zafar quchishgan. O'sha bahsda aynan Abdulloh Hassan ishlagan.

2014 yil Myanmada o'tgan Osiyo CHempionati yarim finalida Ravshan Haydarov boshchiligidagi O'zbekiston yoshlar terma jamoasi KXDR bilan to'qnash kelgan. BAAlik hakam boshqargan o'sha o'yinda jamoamiz 0:5 hisobida mag'lub bo'lgandi.

2015 yil Avstraliyada o'tgan Osiyo Kubogi guruh bosqichidan o'rin olgan O'zbekiston - Xitoy bahsida vakillarimiz 1:2 hisobida yutqazib qo'yishgandi.

Bundan tashqari Abdulloh Hassan "Bunyodkor" klubi ishtirokidagi o'yinda ham ishlagan. 2013 yilgi Osiyo chempionlar ligasi guruh bosqichida "qaldirg'ochlar" Toshkentda Yaponiyaning "Sanfrechche Xirosima" klubini qabul qilishgan va 0:0 hisobida durang o'ynashgan.

Narzulla Saydullaev

Teglar: muhammad, abdulloh, hassan, ozbekistonning, qaysi, oyinlarida, ishlagan?,
← Oldinga Orqaga →