Kecha O'zbekiston chempioni "Paxtakor" klubi 5-turda BAAning "SHabab Al Ahli" klubi bilan 0:0 hisobida durang o'ynadi.
Endi "sherlar" guruhdan chiqishi uchun so'nggi turda Eronning "SHahr Xodro" klubini mag'lub etishi lozim. Agar parallel tarzda o'tadigan "Al Hilol" - "SHabab Al Ahli" uchrashuvida BAA klubi g'alaba qozona olmasa "Paxtakor"ni durang va hatto mag'lubiyat ham keyingi bosqichga olib chiqadi.
Bu guruhda "Al Hilol" birinchi o'rinni naqd qilib bo'ldi va nimchorak finalda "A" guruhida ikkinchi o'rinni egallaydigan klubga qarshi o'ynashi aniq bo'ldi. Agar "Paxtakor" guruhdan chiqa olsa "A" guruhida birinchi o'rinni egallab bo'lgan Saudiya Arabistonining "Al Ahli" klubiga qarshi o'ynaydi.
Eslatib o'tamiz, "SHahr Xodro" - "Paxtakor" uchrashuvi 23 sentyabr kuni Toshkent vaqti bilan soat 23:00da boshlanadi.
 Shahr Khodrou FC | AFC Champions League Grp. B . 6-tur 23/09/2020, 23:00 - : - Boshlanmadi |  Pakhtakor Tashkent |
Bosh sahifaga
171