“Bugun tartibli o'yin namoyish etadigan, tajribali futbolchilarga ega “Qo'qon-1912” jamoasiga qarshi maydonga chiqdik. O'yinga har doimgidek tayyorgarlik ko'rdik, tezkor gol ishimizni osonlashtirdi. Bo'lim so'nggida farqni ikkitaga oshirdik. Ikkinchi bo'limda himoyada o'ynadik, o'ylaganlarimiz amalga oshdi. Futbolchilarimga chiroyli o'yin uchun minnatdorchilik bildirib qolaman. Ularga etirozim yo'q.
Har bir jamoa gol urishni, g'alaba qozonishni istaydi. Raqib kuchli ekanligini bilardik, 2:0dan keyin qarshi hujumlardan foydalanishga harakat qildik.
Emociyalar o'yinda bo'lib turadigan holat, bunga ortiqcha etibor qilish shart emas. Buni futbol deydi. O'yin paytida hissiyotlar bo'lishi tabiiy holat.
Tarkibimizda 22 nafar futbolchi bor. Mavsum davomida har bir futbolchiga o'ynashga imkoniyat bermoqdamiz. SHahbozni o'ng qanot himoyasida o'ynatdik, ikkinchi bo'limda taktikani o'zgartirdik. Raqib standart vaziyatlarda havfli edi. O'tgan turda AGMK bilan og'ir uchrashuv o'tkazdik, ko'rgan bo'lsangiz ko'p kuch yo'qotildi. Kim tayyor bo'lsa o'shani maydonga tushurdim”,- deydi Baqoev.
Bosh sahifaga
188