"Ikkinchi o'yindirki bor kuchimiz bilan harakat qilmoqdamiz. To'pni nazorat qilyapmiz. Lekin, vaziyatlardan foydalanishda oqsayapmiz. Ko'rayotgan bo'lsangiz har bir uchrashuvda golga tortadigan yuz foizli vaziyatlar yaratyapmiz. Yigitlarga harakter ko'rsatishgani uchun rahmat aytib qolaman. "Neftchi"da ham gol urish uchun yaxshi vaziyatlar yuzaga keldi. SHunday bo'lsada futbolchilar qo'llaridan tushurmasdan ohirigacha kurashishdi",- deydi Aleksandr Ejov.
- "Xorazm" jamoasiga nima etishmayapti?
- Nafaqat bugungi o'yinda balki jamoamizda muammolar etarlicha. Selekciya ishlarini amalga oshira olmadik, jamoani kuchaytirish maqsadida bir nechta futbolchilarni taklif qilishimiz uchun moliyaviy holatimiz javob bermaydi. Ikkinchidan o'z bazamiz, mashg'ulot maydonlarimiz yo'q. Futbolchi keladigan bo'lsa birinchi galda jamoadagi sharoitlarga etibor qaratadi. Boshqa jamoalarga o'xshab o'zimiz istagan o'yinchilarni ololmaymiz.
- Yosh futbolchi Habibullo Matyoqubovning o'yinlari haqida fikringiz qanday?
- Ushbu futbolchi bilan uchinchi yil ishlashim. Bugun ham maydonda o'zini ayamadi va bor kuchi bilan harakat qildi. U kelajakda terma jamoa darajasigacha chiqishi mumkin. O'z ustida ishlasa, mashg'ulotlarda mehnat qilsa milliy jamoada o'ynab keta oladi.
Bosh sahifaga
363