Dastlab, tadbirni Qashqadaryo viloyati bolalar-o'smirlar futbol akademiyasi (futbol mahorat maktabi)ning direktori, “O'zbekistonda hizmat ko'rsatgan yoshlar murabbiy”si N. Sultonov ochib berdi, hamda tadbir qatnashchilarini O'zbekiston Respublikasi “Davlat tili haqida”gi Qonun qabul qilinganligining 31 yilligi munosabati bilan samimiy muborakbod etdi.
Ushbu bayram tadbiriga Qarshi Davlat Universitetining Filalogiya fakulteti O'zbek til va adabiyoti kafedrasi katta o'qituvchisi Filalogiya fanlari bo'yicha falsafa doktori, Dildor Bazarova hamda Qashqadaryo vohasining sevimli ijodkori, shoiri Turdi Haydarlar ishtirok etdi. Ular o'z so'zlarida har qaysi xalq yoki millatning manaviyatini, uning tarixi, o'ziga hos urf-odat va ananalari, tili, madaniyati va qadriyatlaridan ayri holatda tasavvur qilib bo'lmasligini aytib, ulug' mutaffakir shoirimiz xazrat Alisher Navoiyning o'zbek xalqi manaviy dunyosi, tilining shakllanib rivoj topishida hizmatlari beqiyos bo'lganligini aytib o'tishdi. SHuningdek, bayram tadbiriga tashrif buyurgan Qarshi shahar “Bog'ishamol”MFY raisi Mastura To'xtaeva ham so'z olib, yig'ilganlarga xalqimizning sevimli shoiri Abdulla Oripovning “Ona tilim” sherini aytib berdi.
Tadbir so'ngida Qashqadaryo viloyati bolalar-o'smirlar futbol akademiyasi (futbol mahorat maktabi)ning manaviy-marifiy ishlari bo'yicha direktor o'rinbosari SHavkat Ro'ziev Muhtaram Prezidentimiz tomonidan “Mamlakatimizda O'zbek tilini yanada rivojlantirish va til siyosatini takomillashtirish chora-tadbirlari to'g'risida” gi Farmonining mazmun-mohiyati haqida so'z yuritdi. Sportchi-o'quvchilarning o'zbek tili haqidagi aytgan sherlari barchaga birdek manzur bo'ldi.
Ilhom RAHMONOV tayyorladi
Bosh sahifaga
131