"Bugun juda ham og'ir o'yin bo'ldi. Qanday bo'lmasin g'alaba qozonishimiz kerak edi. O'tgan turda yirik hisobda mag'lubiyatga uchraganimiz ruhiy tomondan bugungi o'yinga ham tasir qildi. Deyarli imkoniyatga ham ega bo'lmadik. Yigitlar avvalgi turlarda ko'rsatgan o'yinlarini amalga oshira olishmadi.
Ushbu uchrashuv joriy mavsumda o'z maydonimizdagi oxirgisi edi. Nima qilib bo'lsa ham g'alaba qozonishimiz kerak bo'lgandi. Futbolchilarda shijoat, g'alabaga bo'lgan ishtiyoqni ko'rmadim.
Maydon markazida Abdulloh Olimovni o'ynatib ko'ryapmiz, u jarohatidan keyin to'liq tiklanmagan. Doniyor Abdumannopov ham belidan jarohat olib safdan chiqdi. SHuningdek darvozabonimiz jarohat olgan. Mavsum oxirida barchasi jam bo'lib, jarohatlar yuzaga chiqadigan payt keldi. Markazda va oldingi chiziqda hech narsa o'xshamadi. Faqat himoyachilar va darvozabon haqiqatga yaqin o'ynashdi. Qolgan barcha chiziqlardan noroziman.
So'nggi to'rtta turni neytral maydonda o'tishi qo'shimcha muammo tug'dirib bo'ldi. Keyingi o'yinlarda iloji boricha yosh futbolchilarni tarkibga qo'yaman. Bunday futbolchilar menga kerak emas",- deydi Baxtiyor Hamidullaev.
Bosh sahifaga
219