Kecha turnirning so'ngi o'yini o'tkazildi. Unda Qo'qon hamda Andijonlik faxriylar o'zaro bahslashishdi. Qiziqarli va gollarga boy o'tgan bellashuvda, qo'qonlik faxriylar yirik, 6:1 hisobida g'alaba qozonishdi. Qo'qonliklar tarkibida gollarni Akmal Ortiqov, Sodir Eliboev (2ta), Vohidjon Umaraliev, Saidjon SHokirov hamda Jamshid Matisaevlar kiritishdi. Andijonliklarning yagona golini esa Adhamjon Karimov kiritgan. Bu o'yindan so'ng Qo'qonlik hamda Farg'onalik faxriy futbolchilar 4 tadan ochko jamg'arishdi. Andijon faxriylar jamoasi esa bitta ham ochko qo'lga kirita olishmadi. Biroq andijonlik faxriylarning musobaqada qatnashganlari ham tahsinga sazovordir. Namanganlik faxriylar jamoasi turnirda umuman ishtirok etishmadi.
Musobaqa yakuniga ko'ra qo'qonlik faxriy futbolchilar 1-o'rinni qo'lga kiritishdi. Ular farg'onalik faxriylar jamoasi bilan bir xilda ochko jamg'arishgan, biroq to'plar nisbatiga ko'ra qo'qonliklar musobaqa g'olibi bo'lishdi. Endi qo'qonlik faxriy futbolchilar jamoasi “Faxriylar kubogi” musobaqasining respublika bosqida ishtirok etishadi.
Akramjon Mamadaliev
Bosh sahifaga
158