Igor SHtimac: "Fozil o'zini yomon his qilgani uchun almashtirdim"

"Lokomotiv"ni g'alaba bilan tabriklayman. Bugun ikkala jamoa ko'proq gol urishi mumkin edi. Birinchi o'yinda ham "Loko" o'zini yaxshi ko'rsata olgandi, ular darvoza yoniga kelganida nima qilishni bizdan yaxshiroq bilishar ekan. Birinchi bo'limni biz nazorat qildik deya olaman, faqat so'nggi pasni berishda xatoliklarga yo'l qo'ydik. "Lokomotiv"ning golidan so'ng biz ko'proq hujumga o'tdik, ammo Xalatbori yo'qligi bilindi, - deydi Igor SHtimac.

- Fozil Musaevning almashtirilishiga nima sabab bo'ldi?
- U o'zini yomon his qilayotganini aytdi. SHifokorlarga o'zini yomon his qilayotganini aytdi. SHu bois Fozilni almashtirdim.

- Bugungi mag'lubiyatdan so'ng "Sepaxon"ning guruhdan chiqish imkoniyatini qanday baholaysiz?
- Juda kam. Ammo hali imkoniyatimiz bor. Ikki o'yinda g'alaba qozonishimiz lozim. Umid qilamizki "Loko" "Al Nasr"ga qarshi o'yinlarda ochko ololmaydi. SHunda guruhdan chiqishimiz mumkin. Ammo unga qadar bizni "Istiqlol"ga qarshi o'yin kutib turibdi.

Narzulla Saydullaev